首頁 即時娛樂

頭條獨家丨《造星IV》三大A0女神 Candy 莎莎迷193李敏鎬 Yanis為老友追MIRROR

25/11/2021 22:30:00
同樣18歲的Yanis及Candy,跟20歲莎莎唔單止樣靚得男粉絲歡迎,更同是「A0」。
同樣18歲的Yanis及Candy,跟20歲莎莎唔單止樣靚得男粉絲歡迎,更同是「A0」。

《全民造星IV》本周來到60強比賽,不過未必個個女神都能成功入圍,好似94號Yanis因未能進級而引起公憤,不過仍有28號Candy、5號莎莎、78號馬欣及2號咖喱有得留低。《頭條》發現原來青春無敵、同樣18歲的Yanis及Candy,跟20歲莎莎唔單止靚,原來都冇拍過拖,同屬「A0女神」,她們對異性就各有喜好,Yanis欣賞MIRROR及ERROR,Candy同莎莎就講明鍾情長腿Oppa,至於一樣27歲的馬欣和咖喱,更大方公開已名花有主。撰文:杜杜、秦詠姿 攝影:葉君海、譚壹致

Yanis瞞父母報名參加《造星IV》,媽媽最擔心她會被網民抨擊。
Yanis瞞父母報名參加《造星IV》,媽媽最擔心她會被網民抨擊。
DSE考39分的Yanis竟自言不算高材生,未來望學業演藝雙線發展。
DSE考39分的Yanis竟自言不算高材生,未來望學業演藝雙線發展。



Yanis(吳欣諺)在《造星IV》跳唱演出贏得網民歡心,無緣入60強引起公憤,她坦承好意外,「本身(播出時)已知入唔到,但好驚訝大家咁鍾意我表演,冇諗過有咁多人鍾意。」迷倒一眾男網民的她,竟大方分享是「A0」,「我讀女校,冇拍過拖,順其自然啦!冇刻意去認識,而家大學叫有啲異性,做朋友先啦!」


Yanis追夢變追星

Yanis身邊老友都好支持她參賽,背後原因竟然是—「佢哋好鍾意MIRROR同ERROR,知道我參加好開心,叫我幫佢哋攞簽名。佢哋支持我追夢,但更加支持我幫佢哋追星。」早前在ViuTV節目跟MIRROR及ERROR擦身而過的Yanis,更爆朋友大多鍾意Ian、Edan及姜濤,她為想貼近朋友話題更追埋一份,「ERROR欣賞肥仔,我哋成日拍《造星IV》見到佢好Nice。MIRROR就鍾意Anson Lo跳舞,鍾意聽Ian唱歌。」愛表演的她原來是「學霸」,DSE以7科39分入讀港大生物醫學系,兼顧學業之餘,已被淘汰的她仍想追夢,仲計劃搞YouTube頻道。

Candy認為每次表演避不開要唱歌,所以一直有學唱歌求改進。
Candy認為每次表演避不開要唱歌,所以一直有學唱歌求改進。
Candy認為自己面形差,更笑指:「我要削骨㗎!哈哈!」
Candy認為自己面形差,更笑指:「我要削骨㗎!哈哈!」



Candy入女團隨緣

後補位置入60強,Candy(王家晴)自問當晚演出未夠好,怕令支持者失望而爆喊,被指是花瓶亦未能平反,「話我得個樣,但我反駁唔到,表現真係唔好,我理解佢哋咁講,希望大家睇到我進步。」參賽以來網上平台粉絲由千幾急升到接近兩萬,但Candy唔認為自己靚女,「有少少過份吹噓,我唔醜樣但未去到好靚,節目剪到成仙咁,100分滿分我得65分。」中學讀男女校的她,更聲稱冇人追,仲自認是A0,「係有Puppy Love,但未拖過手,冇經歷過拍拖嗰啲經歷。(A0?)都算。」講到理想型她首選要高,「193嗰啲高度,睇韓劇啲男主角好高,當初ERROR成員最吸引我就係193,韓國《Running Man》我都係鍾意李光洙。」問到入女團信心,Candy打定輸數,「好隨緣,冇話入女團係我終極目標,反而參加後確認自己鍾意表演,會朝住呢個方向發展。」


莎莎跟Edan路發展

莎莎(坂部佩莎)笑言媽咪想做星媽,從小安排她學習表演,更參加過薛家燕旗下Honey Bees。對於首個出場即殺入60強,又獲花姐點名是心水,但她唔敢諗入硬女團,但好贊成花姐建議發展方向,「最終嘅目標係想入行,但冇話一定要女團,可能好似花姐講似Edan咁樣,做搞笑角色拍綜藝。」參賽後莎莎社交平台粉絲由7千衝破兩萬,她更自爆未參賽已好多男仔fans,本身追求者係咪會仲多?「我唔係好識同佢哋溝通,所以冇呀。(有冇拍過拖?)冇呀……呢啲感情嘢唔可以答,冇話唔講得感情問題,你搞到我好緊張,講番《造星》嘅嘢啦!」雖然莎莎是A0,但男神總會有,「李敏鎬,之前睇佢作品做戲好有感覺(鍾意長腿Oppa?)高過我會好啲。」

莎莎到韓國練習生面試失敗後去美國升學,疫情返港造就今次參賽機會。
莎莎到韓國練習生面試失敗後去美國升學,疫情返港造就今次參賽機會。
莎莎父母早已離異,她爸爸雖是日本人,但她並不識日文。
莎莎父母早已離異,她爸爸雖是日本人,但她並不識日文。
馬欣(馬彩欣)初次表演已獲讚夠性感,社交平台粉絲即時升萬幾,但男女粉絲好平均,所以她不怕公開戀情,「男友keep住都好支持參賽,佢都係跳舞嘅。」雖然男友冇在演出上畀意見,但有就另一種支持方式,「見我好攰,會買糖水畀我食,夠㗎啦!食吓嘢減吓壓。」
馬欣(馬彩欣)初次表演已獲讚夠性感,社交平台粉絲即時升萬幾,但男女粉絲好平均,所以她不怕公開戀情,「男友keep住都好支持參賽,佢都係跳舞嘅。」雖然男友冇在演出上畀意見,但有就另一種支持方式,「見我好攰,會買糖水畀我食,夠㗎啦!食吓嘢減吓壓。」
在馬欣ig發現跟這位男性友人多張合照,未知是否其男友。
在馬欣ig發現跟這位男性友人多張合照,未知是否其男友。
咖喱(黃雅慧)本身是內科醫生毅然辭職參賽,從事IT的男友都十分支持她追夢,「佢擔心我冇接觸過呢個圈,俾人鬧我承受唔到,但佢知我想做都好支持。」她唔怕公開戀情流失粉絲,「始終我同男友有段長時間經營嘅關係,冇理由話即刻分手,相信係粉絲都會諒解。」
咖喱(黃雅慧)本身是內科醫生毅然辭職參賽,從事IT的男友都十分支持她追夢,「佢擔心我冇接觸過呢個圈,俾人鬧我承受唔到,但佢知我想做都好支持。」她唔怕公開戀情流失粉絲,「始終我同男友有段長時間經營嘅關係,冇理由話即刻分手,相信係粉絲都會諒解。」
咖喱被網友公開其疑似同男友合照。
咖喱被網友公開其疑似同男友合照。
193
193
李敏鎬
李敏鎬
MIRROR
MIRROR
其他文章
hd