首頁 即時娛樂

張敬軒早餐KOL再度營業 今次唔係遮遮係親媽

27/11/2021 13:30:00
軒仔年幾冇見阿媽,張媽媽一到埗就給乖仔炮製這話題性早餐。
軒仔年幾冇見阿媽,張媽媽一到埗就給乖仔炮製這話題性早餐。

「早餐KOL」張敬軒很久沒分享「遮遮」早餐,今早他竟然再度營業,但今次煮早餐的是他親媽不是「遮遮」,並隆重介紹:「喱兜好似石屎咁嘅嘢係我今朝嘅早餐」、「張公館特製」、「唔知石屎定溶岩瓊咗十足月球表面早晨全餐」!相中見有一碗米色類似BB食的糊仔,可謂全無賣相可言,的確看上去一點都不吸引,軒仔寫上:「一遮還有一遮高.....查實我條命是咪五行缺飯。同老母年幾冇見,諗住佢老人家嚟咗我應該可以有新嘅開始⋯⋯話說佢係我早餐關注組召集人,成日都問我早餐食乜。到埗第一日,更揚言要我過返啲正常生活……我冇異議,呢一切其實都係我日常嘅正常。正所謂天有不測風雲,我冇諗過一舊風雲過後,原來仲有另外一舊。」

軒仔好感嘆。
軒仔好感嘆。
碗嘢表面係咁…
碗嘢表面係咁…


網民看完軒仔上載的早餐片段,紛紛猜估是「麥皮」、「糊仔」、「未有植物前嘅盆栽」、「Mask」、「芝麻糊」、「黑豆豆腐花」、「合桃糊」、「焗壞咗嘅蛋糕」等,更笑言「世上只有媽媽好」。連鄭欣宜都戥他可憐,溫馨留言:「不如你請我做姐姐算啦。i’ll cook for you everyday my dear Emperor.(我會每天為你做飯,親愛的皇上。)

好彩仲有隻正常嘅蛋…
好彩仲有隻正常嘅蛋…
一𢳂落去就咁樣…
一𢳂落去就咁樣…

一坺泥咁
一坺泥咁
都係食返白麵包算吧啦。
都係食返白麵包算吧啦。
其他文章
hd