?>
首頁 即時娛樂

頭條獨家│BabyJohn陪老婆行街孭晒戰利品 持家有道Keep單慳泊車錢

02/12/2021 21:30:00
BabyJohn同老婆係演藝學院同學,拍拖7年先結婚,結婚8年,有老夫老妻感覺。
BabyJohn同老婆係演藝學院同學,拍拖7年先結婚,結婚8年,有老夫老妻感覺。

蔡瀚億(BabyJohn)同梁祖堯、陳俞希(Hailey)主持ViuTV節目《晚吹- 空肚講宵夜》勁有火花,令佢哋成功入晒屋。早前仲添食拍埋《宵夜燒到過埋夜》,播出同樣大獲好評。不過BabyJohn本業始終係演員,最想當然係拍電影,但疫情打亂晒啲電影開拍計劃。雖然錢係搵少咗,但反而多咗時間陪屋企人。日前BabyJohn趁得閒,化身愛妻號陪老婆行街,買完嘢都Keep返啲單慳返泊車錢。採訪:譚壹致

BabyJohn做《晚吹- 空肚講宵夜》主持做到入晒屋。
BabyJohn做《晚吹- 空肚講宵夜》主持做到入晒屋。
本身係演員嘅BabyJohn,受疫情影響,少咗電影拍。
本身係演員嘅BabyJohn,受疫情影響,少咗電影拍。


BabyJohn同老婆結婚8年,甚少公開放閃。日前兩公婆同朋友行商場,蔡太同女友人雞啄唔斷,BabyJohn就做跟得老公,啲環保袋拎到一抽二掕都冇怨言。行到一半BabyJohn單拖去詢問處問嘢,再會合返老婆同朋友。見BabyJohn途中都有拎啲單數吓,唔知係咪未夠數攞泊車優惠,蔡太就惟有買多兩包化妝棉同棉花棒湊數,呢位賢妻喺計數方面好幫得手呀!

日前同老婆仲有朋友,一行三人行街。
日前同老婆仲有朋友,一行三人行街。
數吓單似係想攞泊車優惠。
數吓單似係想攞泊車優惠。




一行三人逛到入黑各自離開,BabyJohn去攞車之前再逐張單數吓使咗幾多錢,似係想確保攞到商場泊車優惠,慳返少少當幫補。BabyJohn仲唔使老婆陪自己行到老遠排隊扱泊車飛,叫老婆企定定等佢,最後做埋「柴可夫」,兩公婆齊齊返歸。

未夠數,老婆惟有買多少少日用品。
未夠數,老婆惟有買多少少日用品。
BabyJohn好少喺網上放閃。
BabyJohn好少喺網上放閃。
蔡太Donut Cheung係一名舞台劇演員。
蔡太Donut Cheung係一名舞台劇演員。
其他文章
hd