?>
首頁 即時娛樂

新城勁爆|張敬軒先拔頭籌奪今年首個獎 自封樂壇關愛座

27/11/2021 19:45:00
張敬軒獲頒今年樂壇首個獎項。
張敬軒獲頒今年樂壇首個獎項。

張敬軒在《新城勁爆頒獎禮2021》記者會上,憑《俏郎君》先拔頭籌獲頒發第一個獎項「勁爆播放指數歌曲」;他高興指原本前來支持一年一度的盛事,沒預計到這麼快就有禮物收。有指新城電台跟香港音像聯盟(HKRIA)的合約解封僅有兩個月,變相令其他不受影響的歌手得獎呼聲更高;軒仔認為純粹以播放率計,年初已開始播歌的自然會成數偏高,但個人或創作獎方面則未必有直接關係,歌手本身的經驗及市場的認受性,也會令得獎機會較大。

好多粉絲到場支持。
好多粉絲到場支持。
軒公獨鬥MIRROR 4子。
軒公獨鬥MIRROR 4子。


談到他在叱咤《我最喜愛的男歌手》5強中,要獨鬥呂爵安、姜濤、陳卓賢及盧瀚霆4位MIRROR成員;軒仔搞笑道:「我係『樂壇關愛座』,哈哈;其實好開心今年樂壇氣氛好熱鬧,我唔會恃老賣老。(諗住關愛座可以坐幾耐?)長江後浪推前浪,就如新陳代謝,我以前都係小鮮肉,前浪推咗上岸,跟住會變番後浪,向來都係作品講說話,有心思新意就有人buy,要有熱度,冇嘢係負面。有年資嘅歌手亦不應固步自封,唔好話攬着往績就過世,我以前都會因為做耐咗就乜都是但,今年會提醒自己每步都要做好啲,好似做新人咁要有夢想,以MIRROR為例,令整個行業水準提高咗。」

軒仔自封樂壇關愛座。
軒仔自封樂壇關愛座。
在記者會上獲頒獎。
在記者會上獲頒獎。


此外,軒仔的父母來港,並由媽媽代替「遮遮」其一日三餐,豈料令他驚訝竟然「一遮比一遮高」!他笑道:「媽媽開始做『份子料理』,份早餐好似英泥,佢話係用黑豆、芝蔴、亞麻籽和合桃煮成糊狀,其實我仲有牙;原本想畀面試食下,但真係搞唔掂,無味道。不過我都好啲,爸爸嗰碗係啡紫色,好似食物中毒咁,我最後唯有祝福爸爸話『你take care 』。」

其他文章
hd