?>
首頁 即時娛樂

許廷鏗被批全民造馬 認睇漏阿妹Yanis讚靚女有潛質

29/11/2021 19:15:00
許廷鏗直認睇漏眼,大讚阿妹和Yanis靚女兼有潛質。
許廷鏗直認睇漏眼,大讚阿妹和Yanis靚女兼有潛質。

許廷鏗(Alfred)今日為動漫電影《鬼滅之刃劇場版》的無限列車編場景,化身一日店長,近日頻頻亮相的他笑稱要賺定錢過冬。

Alfred為ViuTV 真人騷《全民造星IV》擔任導師,選拔賽近日被質疑淘汰準則,Alfred坦言難做到公平公正,知道有參賽者承受很大輿論壓力,自己亦有看網民意見,當他置身局外時有感「睇漏眼」,並激讚阿妹黃敏蕎和Yanis吳欣諺靚女有潛質,2人是網民力推心水,令Alfred 自責當導師未夠稱職,期望稍後用另一方式幫助她們,並無奈說:「成日都話『全民造馬』,邊有咁多,只係為個節目好睇,但好多事我哋控制唔到,我都戥參賽者唔抵。」Alfred自爆晚晚在電視亮相增加親民度,在街上被觀眾集郵時明顯變得貼地,不再是以前觀眾感覺冷酷態度。

許廷鏗最近頻頻出活動,笑言要賺埋過冬。
許廷鏗最近頻頻出活動,笑言要賺埋過冬。
許廷鏗直認好難做到公平公正。
許廷鏗直認好難做到公平公正。



胡鴻鈞在演唱會上赤膊大騷腹肌,Alfred笑稱不知道,近日睇女較密,不過胡鴻鈞開騷前一直保持神秘突然大解放?Alfred即指是聲東擊西。他則沒想過要騷肌,笑說:「我呢幾年,修身、齊家、治國、平天下,露出嚟未免丟人眼,相信我嘅歌迷唔係期待緊呢啲。」

阿妹確實幾靚女,可惜99強止步。
阿妹確實幾靚女,可惜99強止步。
許廷鏗話會用其他方法幫助佢哋。
許廷鏗話會用其他方法幫助佢哋。

Alfred話冇諗過自己開騷要騷肌,亦冇留意胡鴻鈞演唱會。
Alfred話冇諗過自己開騷要騷肌,亦冇留意胡鴻鈞演唱會。
其他文章
hd