?>
首頁 即時娛樂

頭條獨家丨陶大宇唱《倒轉地球》被惡搞 笑問保錡係咪想死

30/11/2021 14:30:00
大宇親自回應,最近佢翻唱嘅《倒轉地球》hit爆。
大宇親自回應,最近佢翻唱嘅《倒轉地球》hit爆。

劉德華喺1996年推出嘅《倒轉地球》,忽然間喺25年後翻hit,全因為有元祖級「師奶殺手」陶大宇加持,佢幾乎每次登台都會唱呢首飲歌,甩bit嘅「魔音式」唱腔,加上「水潑式」獨有台風,但無論點都係用堅定嘅眼神繼續淡定唱,超級洗腦!

大宇令25年前嘅《倒轉地球》翻hit。
大宇令25年前嘅《倒轉地球》翻hit。
佢話唔介意帶畀大家歡樂。
佢話唔介意帶畀大家歡樂。



ERROR成員保錡噚日就拍咗條惡搞版《倒轉地球》,完全模仿大宇嘅表情同唱腔,《頭條娛樂》今日都有聯絡大宇,問番佢會唔會嬲?估唔到大宇超大方,唔嬲之餘,仲話好開心帶咗咁多歡樂畀大家,佢以短訊回覆話:「我最近的確是倒轉咗個地球,希望大家安全無事🤣🤣🤣!其實可以帶比(畀)大家開心、歡樂,咁咪好囉!令人談論、令人快樂,我可以做到,我覺得比(俾)佢哋更開心。」

問到會唔會怪責保錡扮自己?佢話:「其實保錡以前都扮過我…係我同ViuTV拍《辣伙頭》個節目上面,可能有人覺得佢有少少似我,今次佢又扮我,我無嬲……好明顯,除了有少少鍾意我,就係想死!」然後再加咗超過十個哈哈笑emoji,咁仲有冇合作機會呢?大宇話:「如果有機會合作就要早少少通知🙏,我要揾Sunny幫我練吓舞。」

大宇話如果要同保錡合作,就一定要先搵Sunny練舞。
大宇話如果要同保錡合作,就一定要先搵Sunny練舞。
有網民整咗張潛力圖,話要投票畀大宇做「吒咤我最喜愛男歌手」喎。
有網民整咗張潛力圖,話要投票畀大宇做「吒咤我最喜愛男歌手」喎。



其實惡搞大宇版《倒轉地球》,保錡絕非第一人,喺內地多個平台已經出現好多過「倒轉地球陶大宇」版本,當中包括「公路版」、「籃球運動員版」、「大學校園版」等等,香港方面亦有人整咗張潛力圖,話已投票畀大宇做「叱咤我最喜歡男歌手」,又有人留言:「畀佢入Alfred(許廷鏗)嗰隊啦」,非常搞笑。

大宇幫ViuTV做《辣伙頭·開火》主持。
大宇幫ViuTV做《辣伙頭·開火》主持。
當時保錡做嘉賓,企正中間都扮過大宇。
當時保錡做嘉賓,企正中間都扮過大宇。
呢個係球場版。
呢個係球場版。
內地唔少素人都有翻唱「倒轉地球陶大宇」版本。
內地唔少素人都有翻唱「倒轉地球陶大宇」版本。
其他文章
hd