?>
首頁 即時娛樂

頭條獨家│《造星IV》榛綦提Edan即面紅 入圍獲家燕姐鼓勵

08/12/2021 22:00:00
原來榛綦都係爵屎。
原來榛綦都係爵屎。

《全民造星IV》 62號何榛綦(榛綦)年僅18歲已有豐富演出經驗,11歲就加入家燕媽媽藝術中心,其後經選拔成為女團Honey Bees一員,未成年已是女團成員,為何仍參加《造星IV》選女團呢?榛綦透露Honey Bees並沒合約限制:「其實佢哋有不斷發掘新人,有比我年紀細嘅都會加上Honey Bees呢個組合,我見佢哋而家都有好多表演,都成長咗好多,我都可以算功成身退。」她又坦言想參賽發掘更多可能性,又多謝家燕姐以往給她很多機會。採訪:杜杜、秦詠姿 攝影:葉君海、譚壹致

獲家燕姐鼓勵

榛綦透露報名《造星IV》前並沒有跟家燕姐商量,她表示:「因為我都唔知自己會唔會入選,所以冇同家燕媽媽講,但嗰陣佢都有叫我試吓參加唔同比賽。不過之後佢知我入選到,都有打畀我叫我加油。」而她早就認識同是Honey Bees成員的5號莎莎(坂部佩莎),不過兩人並非約埋一齊報名:「我睇到有記者訪問佢先知佢有參加,我不嬲都覺得佢好適合做娛樂圈,因為佢比我更加早入家燕媽媽藝術中心,佢有實力又靚,好符合女團標準。」而她則認為莎莎在身高上比她有優勢,不過她不覺得自己被比下去,認為嬌小身上在舞台上一樣可以表現出好Powerful,果然最終莎莎60強止步,她則成功殺到入30強。

榛綦雖然身形嬌小,但喺台上好Powerful。
榛綦雖然身形嬌小,但喺台上好Powerful。
首回合被指似評判鄭融。
首回合被指似評判鄭融。



似鄭融感榮幸

首回合比賽被評判指有鄭融影子,榛綦表示好榮幸:「因為錄影嗰陣係凌晨,唔係幾Load到,但聽到話我似鄭融都有啲興奮同緊張,覺得真係個好大嘅榮幸。其實我唔知似唔似,我真係有上網專登搵佢啲片睇,有少少似啦!可能我哋都唔係好高,但上到台都有Powerful嘅一面。」

榛綦返屋企都上網睇返鄭融啲片,發現台風真係有少少似。
榛綦返屋企都上網睇返鄭融啲片,發現台風真係有少少似。
榛綦年僅18歲已有豐富演出經驗。
榛綦年僅18歲已有豐富演出經驗。


學Edan轉數快

《造星IV》引來不少MIRROR及ERROR的Fans報名,就連榛綦都話好鍾意MIRROR,不過強調不是因為見偶像才參加比賽。問到她最鍾意邊位成員,她舉出幾個例子,不過當說到呂爵安(Edan)就即面紅:「好欣賞Edan喺鏡頭前,都可以帶畀大家好多歡樂,佢一啲都唔拘謹,佢嗰種做自己,我好鍾意。」問到最想合作的,當然也是選Edan:「綜藝唱歌拍戲都想試吓,想學佢轉數咁快。」

榛綦係家燕媽媽訓練出嚟,曾是旗下女團Honey Bees成員之一。
榛綦係家燕媽媽訓練出嚟,曾是旗下女團Honey Bees成員之一。
《造星III》十強嘅雲浩影係榛綦師姐。
《造星III》十強嘅雲浩影係榛綦師姐。
另一位Honey Bees成員莎莎已被淘汰。
另一位Honey Bees成員莎莎已被淘汰。
榛綦欣賞Edan(右三)面對鏡頭都做到自己。
榛綦欣賞Edan(右三)面對鏡頭都做到自己。
想學Edan轉數咁快。
想學Edan轉數咁快。
其他文章
hd