?>
首頁 即時娛樂

拳王│黃子恒落場打真軍學高難度動作 監製爆料睇Playback激動落淚

30/11/2021 23:00:00
黃子恒拒用替身,在《拳王》中的拳賽戲親自上陣。
黃子恒拒用替身,在《拳王》中的拳賽戲親自上陣。

TVB台慶劇《拳王》昨晚(29日)講到葉迎風(黃子恒飾)以駿風拳館代表身份打入泰拳冠軍賽,迎戰石傲山(黎耀祥飾)旗下拳館Gavin Fitness的代表。拳賽甫開始,迎風因舊患復發處於下風,但憑住驚人意志扭轉劣勢。眼見勢色不對的祥仔,出口術令金爺(李國麟飾)向拳賽評判施壓,最後迎風含恨落敗。細心觀看該場賽事,除了發現胸膛操得相當結實的子恒弗到漏油外,其拳腳功夫亦相當有睇頭,尤其踢腿動作,不但有力,而且踢腳踢得相當高,足證他下了不少苦功。

黃澤鋒(中)本身是專業的泰拳比賽拳證,今次同樣在劇中演拳證。
黃澤鋒(中)本身是專業的泰拳比賽拳證,今次同樣在劇中演拳證。
黃子恒踢腿踢很高。
黃子恒踢腿踢很高。



監製Andy坦言該場拳賽戲難度極高,故劇組已事先安排替身給子恒外,負責動作指導的冼灝英師傅亦沒有為子恒設計太高難度動作;不過子恒自我要求高,除堅持所有動作親身上陣外,並即場要求冼師傅教授高難度動作,務求令拳賽拍得逼真。監製更透露子恒拍畢該場戲後睇Playback時激動落淚。
子恒指最感動是cut機後現場所有人、包括台前幕後均為他鼓掌:「其實好多動作我之前都未做過,到真係做到嗰吓其實好激動亦好感動;我成日諗如果我畀唔到難度高嘅動作出嚟,我會對唔住葉迎風呢個角色。」他又感激飾演其對手的陳偉洪說:「對手好緊要,如果大家有留意踢膝嗰吓其實相當近,佢為咗拍出嚟效果好,好肯『硬食』我啲招式,佢咁樣令我啲動作做得更加放心。」

黃子恒凌空飛躍及進攻的動作,亦做好流暢。
黃子恒凌空飛躍及進攻的動作,亦做好流暢。
黃子恒的胸肌操得好結實。
黃子恒的胸肌操得好結實。



另外,迎風在昨晚播出的一幕雨中落寞戲份亦相當有意思,海正藍(張振朗飾)想起當年哥哥正曦(譚俊彥飾)在生時,亦曾因不公平的制度輸掉拳賽而耿耿於懷,似是暗示正藍與迎風將有與哥哥一樣深厚的緣份。而近期被力讚好戲的譚俊彥,全程含淚訴說自己有多不甘心,充份演繹出拳手的辛酸及對公義的堅持,難怪視帝呼聲高。子恒指該場戲最難忘是好凍:「嗰日得11度左右,我當時嘅戲份係棉質嘅短衫同裋褲,一瞓落地超級索水同埋超級凍,好彩嗰日現場有風筒咋!」

迎風失意冠軍賽相當落寞。
迎風失意冠軍賽相當落寞。
譚俊彥(右)只露面一分鐘的回憶戲,相當吸睛。
譚俊彥(右)只露面一分鐘的回憶戲,相當吸睛。
迎風與雷堅的感情戲輕鬆之餘又有愛。
迎風與雷堅的感情戲輕鬆之餘又有愛。
冼灝英師傅(右)為劇集拳擊場口設計動作外,亦演出泰拳教練一角。
冼灝英師傅(右)為劇集拳擊場口設計動作外,亦演出泰拳教練一角。
其他文章
hd