?>
首頁 即時娛樂

張偉文逆境自強振奮人心個唱獲撐 現身經理人方俊母壽宴開心勁食

01/12/2021 12:30:00
演唱會反應咁好,張偉文喺方俊媽咪壽宴上開懷地係咁食及係咁笑。
演唱會反應咁好,張偉文喺方俊媽咪壽宴上開懷地係咁食及係咁笑。

68歲死過翻生嘅張偉文(Donald)近年不良於行要靠坐輪椅代步,幸而多年嚟喺有情有義嘅老友兼經理人方俊(Aman)悉心照顧下,翻肥100磅,狀態回勇,本月20日、明年1月12日及14日分別喺香港文化中心、沙田大會堂及元朗劇院再開騷舉行《友情有義演唱會》,賺錢傍身。而張偉文逆境自強嘅故事獲大眾支持,首場個唱已經爆滿,其他場次都掀起撲飛熱潮,喺疫情下票房反應咁好,張偉文及經理人飲得杯落。張偉文及出任表演嘉賓嘅方俊現正努力練歌中,適逢方母蘇麗89歲生日,昨晚張偉文及圈中好友環星娛樂老闆張國林、「環星一哥」尹光及太太、歌手王美蘭,方麗盈等為方母賀壽,大家齊唱生日歌,開開心心放鬆咗一晚。

「環星一哥」尹光夫婦(左1、2)、環星娛樂老闆張國林(左3) 、方俊(左6)齊舉杯。
「環星一哥」尹光夫婦(左1、2)、環星娛樂老闆張國林(左3) 、方俊(左6)齊舉杯。
張偉文、方俊及環星娛樂老闆張國林、尹光夫婦、王美蘭、方麗盈等為方母賀壽。
張偉文、方俊及環星娛樂老闆張國林、尹光夫婦、王美蘭、方麗盈等為方母賀壽。



方俊稱母親與張偉文均患有腦退化症,需要輪椅出入,同時要照顧兩人未感吃力,反而積極面對人生嘅考驗。張偉文忙中偷閒胃口也特別好,大讚餸菜好食仲飲咗兩罐汽水。方俊嘅壽星媽就超興奮與到賀嘉賓敬酒,老人家連飲兩杯拔蘭地亦面不改容,在場人並為張偉文演唱會打氣,祝他演出成功。

喺方俊悉心安排下,張偉文演唱會門票大賣,心情勁佳。
喺方俊悉心安排下,張偉文演唱會門票大賣,心情勁佳。
仲胃口大開添。
仲胃口大開添。

歌手方麗盈(左1)、王美蘭(右2)、方俊(右1)祝賀壽星媽身體健康。
歌手方麗盈(左1)、王美蘭(右2)、方俊(右1)祝賀壽星媽身體健康。
張偉文正努力練歌中。
張偉文正努力練歌中。
首場《友情有義演唱會》喺本月20日文化中心舉行,方俊及姚煒出任表演嘉賓。
首場《友情有義演唱會》喺本月20日文化中心舉行,方俊及姚煒出任表演嘉賓。
其他文章
hd