?>
首頁 即時娛樂

錢嘉樂湯盈盈首度合演夫妻 Chantel忍唔到笑被封NG王

02/12/2021 09:00:00
盈盈樂樂第一次合演仲要做埋夫妻;Chantel(右圖左)被封NG王嬲嬲豬。
盈盈樂樂第一次合演仲要做埋夫妻;Chantel(右圖左)被封NG王嬲嬲豬。

集合一眾《聲夢傳奇》學員及《盛.舞者》參賽者的TVB青春劇《青春本我》,將於周日(5日)首播。在飾演父母角色中,楊證樺與沈可欣、錢嘉樂與湯盈盈均為真夫婦,盈盈樂樂更是首度在螢光幕前演夫妻。問到導演李敏二人為何願意獻出第一次時,她笑言:「其實我同嘉樂之前係街坊,依家都住得近,加上志同道合,所以佢一直好支持我呢個青春歌舞心理劇,佢係最早期聽Concept同Demo嘅人。」由於嘉樂以身手了得馳名,李敏一直有感劇中未有角色適合對方,苦無合作機會,直到鎖定找盈盈演出虎媽一角時,才想到可邀請嘉樂拍住上:「其實我之前完全唔知佢哋冇喺幕前一齊演出過,我哋知盈盈本身係好溫柔嘅人,搵佢做虎媽係因為覺得佢口齒伶俐,可以Handle到個角色,然後就順便叫埋嘉樂,嘉樂亦都好爽快就答應。」
另根據劇組最新發布劇照,除了林智樂(Felix),王祖藍與鄧梓峰的角色原來亦相當搞笑,祖藍更不時「搔首弄姿」晒萌樣!問到繼電影《給我一天》後再與祖藍合作感覺?李敏笑謂:「嗰次同佢合作真係好舒服同愉快,佢真係好勤力嘅演員,會坐埋一邊係咁讀劇本。再加上我睇過佢舞台劇演出,同埋感受到佢對Musical好喜愛,所以我一決定拍歌舞劇就覺得佢做校長會好有效果,佢亦好爽快答應。」

導演搵盈盈做虎媽,於是搵埋樂樂做阿爸。
導演搵盈盈做虎媽,於是搵埋樂樂做阿爸。
Chantel(左二)知道自己係公認NG王時,大受打擊。
Chantel(左二)知道自己係公認NG王時,大受打擊。



此外,早前TVB官方頻道推出《青春本我之最最最最最!》花絮片,一眾聲夢學員在片段中「互爆」大鑊,姚焯菲(Chantel)被封NG王,Felix雙「喜」臨門獲封遲到王及嘈吵王!Chantel得悉自己是眾成員心目中的NG王時,竟氣至跺腳,相當可愛!文凱婷(Aeren)事後笑指導致Chantel NG的幕後黑手是何晉樂(Rock):「因為Chantel忍唔到笑,佢個角色成日同Rock一齊,但佢一望住阿Rock個樣就好想笑!」另眾人指炎明熹(Gigi)在劇中將會有一場讓人一看難忘的大爆Seed場口,不過當時人Gigi對此卻完全「狀況」之外,十分符合她的「無厘頭」本色。

祖藍(左)在《青春本我》飾演校監,鄧梓峰就做校長。
祖藍(左)在《青春本我》飾演校監,鄧梓峰就做校長。
Gigi(左起)、Chantel和Yumi。
Gigi(左起)、Chantel和Yumi。

聲夢小花只要聚埋一齊,就會爆發笑彈。
聲夢小花只要聚埋一齊,就會爆發笑彈。
Chantel同Gigi(右)有唔少對手戲。
Chantel同Gigi(右)有唔少對手戲。
一班男生都老友鬼鬼。
一班男生都老友鬼鬼。
《青春本我》快開學了。
《青春本我》快開學了。
其他文章
hd