?>
首頁 即時娛樂

頭條獨家丨葉巧琳新碟當最佳生日禮物 訪問突變驚喜Party

02/12/2021 22:45:00
Mischa開心今年演出機會和新嘗試都不少,但她已有心理準備好景不常。
Mischa開心今年演出機會和新嘗試都不少,但她已有心理準備好景不常。

葉巧琳(Mischa)上周五(26日)37歲生日,公司同事跟Fans夾好給她神秘驚喜,當她接受《頭條》專訪時,突現身攞着蛋糕為她慶祝。Mischa坦言今年完成了多項願望清單,而新碟《Never Too Late, My Path, Mi Way》及由師兄林奕匡(Phil)作曲加黃偉文(Wyman)填詞的新歌《難度我還未夠難》,她更視為最佳生日禮物。撰文:杜杜 攝影:沈健程 形象:Alan Ng 髮型:Milk Chan@Xenter 化妝:Cyrus Lee

Mischa獲師兄陳柏宇、粉絲及同事驚喜慶祝生日。
Mischa獲師兄陳柏宇、粉絲及同事驚喜慶祝生日。
Mischa豐盛過了一年,展望下年她好想嘗試拍電影。
Mischa豐盛過了一年,展望下年她好想嘗試拍電影。



Mischa開心有驚喜,「有諗過生日上公司做嘢有冇蛋糕食呢?但冇諗過Fan Club會長會上嚟畀個親手整蛋糕我。」生日前夕跟男友食完日式烤肉後,正日她再跟父母慶祝,「呢年忙咗少見咗佢哋,希望生日同佢哋一齊度過。」而生日願望她認為永遠是身體健康,而提到禮物她就興奮話:「最好禮物梗係隻新碟啦!新歌仲有Phil嘅歌同Wyman嘅詞喎!」

Mischa入行9年以來,最低潮時肯定是疫情初期,工作量近乎零。
Mischa入行9年以來,最低潮時肯定是疫情初期,工作量近乎零。
新碟《NEVER TOO LATE, MY PATH Mi WAY》,集合了Mischa 3年來作品。
新碟《NEVER TOO LATE, MY PATH Mi WAY》,集合了Mischa 3年來作品。



完成願望清單
新碟收錄了Mischa這3年來製作的歌曲,「碟名《NEVER TOO LATE, MY PATH Mi WAY》係之前演唱會主題,大家知我條路唔易行,好多嘢好遲出發,但望番轉頭係開心、舒適,感恩等咗咁耐,大家見到我歌路嘅轉變。」而新歌得Wyman「加詞」令她更興奮,「首歌算係3年嚟一個總結或者回顧,感激Wyman填份勵志得嚟有少少Dark Side嘅詞,所謂Dark Side就係現實,會怨其他嘢,我3年裏面都經歷過,攞份詞去唱喊到傻咗,嗰刻唔係傷感係中晒,裏面嘅嘢用歌詞抒發咗出嚟,唱完第一次仲喺度抽搐係咁喊,但喊完舒服晒個人輕咗。」


Mischa今年完成多項願望清單,繼有演音樂劇、開演唱會、獲Wyman填詞、Phil作曲;更將參與主題公園音樂會、拍微電影及為動畫配音等等,但她會以平常心去面對,「我簡直覺得幸福會唔會來得太多了,有一剎那好驚,我知會有一刻冇咗,好驚失去嗰個感覺,但有朋友同我講『保持善良,善良嘅人就會圍住你』,我會銘記於心。」

Mischa興奮新歌《難度我還未夠難》獲Phil寫歌及Wyman填詞。
Mischa興奮新歌《難度我還未夠難》獲Phil寫歌及Wyman填詞。
Mischa感激師兄Phil,為她度身訂造歌曲。
Mischa感激師兄Phil,為她度身訂造歌曲。
今年Mischa完成願望清單,其中就有演出音樂劇《攣攣成人禮》。
今年Mischa完成願望清單,其中就有演出音樂劇《攣攣成人禮》。
舉行首個個唱,亦是Mischa完成的心願之一。
舉行首個個唱,亦是Mischa完成的心願之一。
其他文章
hd