?>
首頁 即時娛樂

頭條獨家丨陳琪吳日言黃芳雯趁機取經 主持《學霸睇樓團》狂睇樓

02/12/2021 23:30:00
Paula、陳琪和Yan雖然初次合作,但好快便熟絡。
Paula、陳琪和Yan雖然初次合作,但好快便熟絡。

陳琪、吳日言(Yan)和黃芳雯(Paula)最近首度為香港開電視主持《學霸睇樓團》,3位媽媽都坦言有了小朋友後,對住屋需求起了很大變化,揀樓準則都跟仔女有關,而今次有機會參觀不同區及價錢的樓盤,令她們增長了不少智識,更趁機向節目中的專家取經,為子女將來升學鋪路。撰文:杜淑霞 攝影:沈健程 髮型:Sue cheung@saloon festival walk(陳琪)、Oscar Ngan@iialchemy(吳日言) 化妝:Phoebe Y Image(陳琪) 場地:babejordan_party

Yan、Paula和陳琪一講到小朋友就傾唔停。
Yan、Paula和陳琪一講到小朋友就傾唔停。
陳琪以住經常睇樓,視為增長智識一環。
陳琪以住經常睇樓,視為增長智識一環。



陳琪跟胡諾言育有三名兒女,長女已12歲,她坦承小朋友漸大,對住屋需求都有所不同,以往三個小朋友一間房,但現在想各自有私人空間,「咁就出咗問題,我哋12年都冇搬過屋,點樣喺間屋搵個地方畀間房你呢?之前物色過,但要4個房間屋要幾大?同老公計完數未必負擔到,咪同啲小朋友講將就下先,畀多兩、三年我哋去準備。」


注重小朋友空間
Yan和Paula直言二人世界時,同現在升呢做媽媽,搵樓最注重畀小朋友空間。Yan說:「二人世界嘅話,梗係會諗吓衣帽間、主人房幾大,有咗小朋友後會諗佢嘅活動空間夠唔夠,或者佢叫啲朋友仔返嚟,個廳夠唔夠佢招呼呢?」Paula亦認同,「尤其疫情好多地方都冇得去,如果屋企有個小花園,小朋友都有得放電,安心啲安全啲。」

Yan私心想睇港島區樓盤,但不想太離地的豪宅。
Yan私心想睇港島區樓盤,但不想太離地的豪宅。
冇乜睇樓經驗的Paula,大讚陳琪有如專家一樣評樓。
冇乜睇樓經驗的Paula,大讚陳琪有如專家一樣評樓。



本身鍾意睇樓的陳琪,照顧仔女後未有時間再睇,開心今次節目又可以去見識,「真係幾大開眼界,因為我哋真係走咗咁多區,有啲我真係成世女都未去過,好似去筲箕灣我都好似發現新大陸咁。」而Yan和Paula開心主持之餘亦學到嘢,Yan說:「我哋有好多專家畀意見,點樣去揀學校同去觀察小朋友喺邊方面發展,我個女啱啱講嘢多啲,我都想了解佢多啲,透過節目可以好幫到我。」Paula長子明年升小學,做節目啱晒時機,「可以幫我備課溫書,了解多啲,點樣填嗰啲表,好彩有陳琪佢哋畀咗好多意見我哋。」

陳琪和Paula都覺得今次睇樓經驗好難忘。
陳琪和Paula都覺得今次睇樓經驗好難忘。
Paula和陳琪跟嘉賓麥雅緻大講湊仔經。
Paula和陳琪跟嘉賓麥雅緻大講湊仔經。
陳琪跟胡諾言育有長女12歲胡芷苓(Jay Jay)、次女9歲胡芷悠(Jacey)及細仔5歲胡澔錕(Jayden)。
陳琪跟胡諾言育有長女12歲胡芷苓(Jay Jay)、次女9歲胡芷悠(Jacey)及細仔5歲胡澔錕(Jayden)。
Yan跟丈夫Barry16年結婚,18年誕下囡囡林禧茹(Beatrice)。
Yan跟丈夫Barry16年結婚,18年誕下囡囡林禧茹(Beatrice)。
Paula婚後跟丈夫育有一子一女。
Paula婚後跟丈夫育有一子一女。
其他文章
hd