?>
首頁 即時娛樂

頭條獨家丨張秀文冧爆:唔心急要磚頭 富貴未婚夫兩度提出送豪宅新盤

03/12/2021 01:00:00
仲未入門,但富貴未婚夫已兩度提出送豪宅新盤,幫她圓置業夢。
仲未入門,但富貴未婚夫已兩度提出送豪宅新盤,幫她圓置業夢。

34歲「TVB咪神」張秀文(Sammi)閃嫁拍拖1年多,有家底嘅39歲金融才俊王大權(Billy),出身自基層家庭嘅Sammi被指搵到筍盤,嫁入豪門可以「上岸」,Sammi強調冇向男家提出任何結婚需求,反而Billy卻想幫她圓置業夢兩度主動提出送樓,好讓她有「揸拿」,但Sammi堅決唔要住:「等第日家庭人口多咗先搵屋啦!」採訪:方騫平 攝影:葉君海 化妝:Henry li 髮型:Kin Tam @ Aveda il colpo 場地:Da Filippo Trattoria

笑得好甜 每次講到未婚夫,張秀文會由個心笑出嚟。
笑得好甜 每次講到未婚夫,張秀文會由個心笑出嚟。
有置業夢
張秀文當年喺《我要做業主》中公開有個置業夢。
有置業夢 張秀文當年喺《我要做業主》中公開有個置業夢。


呢個愛情故事源於去年情人節嘅家長BBQ活動,「金牌媒人」阿Bob(林盛斌)心血來潮分別搵Sammi及Billy出嚟撮合良緣。張秀文憶述:「當晚我哋真係冇乜機會傾到偈,直至佢送我返屋企途上,唔知點解架車行極都返唔到屋企,車程比平時用多咗20分鐘。」記者笑Billy特登咁做,Sammi即為未婚夫辨護,「佢唔熟路,我哋顧住傾偈所以Miss咗個路口啩!當時話題都係環繞『呢排忙唔忙呀?』呢啲冇聊嘢,而疫情下Billy開始派口罩,於是交換咗電話約去做善事。」

未婚夫主力搞婚事
「金牌媒人」真係唔係浪得虛名,BBQ翌日,阿Bob已即打畀Sammi跟進,「猛叫我主動打畀對方傾偈,嘩!女仔好少咁進取,我就不停以洗緊碗做藉口,最後佢忍唔住叫Billy私訊我,於是大家就吹咗兩句水,共同話題都係取笑阿Bob太心急。不過坦白講,冇佢咁『盡責』件事又唔會推進得咁快。」現跟未婚夫同居嘅Sammi未知幾時過門:「結婚一生人一次,佢想大搞婚宴同朋友開心share,但疫情下好多制肘,𠵱家仲未搵場地,我冇意見放手交畀佢處理。」由於王大權有家底,問到禮金多少時?Sammi即說:「呢啲唔關我事,交畀佢同我媽傾,佢想畀幾多就幾多,佢同我媽媽交待就得喇,我媽媽係冇所謂嘅。」她強調結婚唔係交換條件:「如果有需要提升我屋企人嘅生活就由我嚟解決,我哋冇要求,反而佢有提出,話睇過我做《我要做業主》嘉賓好想幫我達成置業夢,我就大笑推說『節目嘅嘢你都信?』其實我真係想有磚頭,但唔係靠人哋送。」

甜到入心 挨住王大權膊頭,張秀文一臉幸福。
甜到入心 挨住王大權膊頭,張秀文一臉幸福。
火速影相
雖然未知婚期,但兩人已急不及待影結婚相公告天下。
火速影相 雖然未知婚期,但兩人已急不及待影結婚相公告天下。


準人妻推過未婚夫好意後,Billy之後睇到黃竹坑一個豪宅新盤又再舊事重提,「嘩!我覺得太貴,第日揀啱先算啦!可能將來家庭多咗人口要搬呢!我都唔心急要磚頭,保持住首置條件買樓會有優惠!𠵱家我住喺佢屋企,間屋冇加埋我名,但佢見我乜都冇就話『𠵱家結婚將我送畀你,我有嘅嘢,有一半都屬於你!』呢句真係幾感動嘅,其實佢愛我已經好有安全感!」

俾Billy激到嬲住笑
Sammi自爆跟Billy不時會為一啲雞毛蒜皮嘅事吵鬧,甚至被對方形容一撻就著,但好快○氹到佢嬲住笑:「佢有好多歪理,例如『我畀個更差嘅選擇你,咁你咪覺得呢個好好囉!』雖然有時係好激氣,但轉頭又變返糖黐豆,瞓醒諗吓『咁樣畀佢激吓,激一世都開心呀!我哋兩個人平平淡淡相處都幾舒服。」對於被指嫁得好,搵到高檔飯票,張秀文一律視為祝福照單全收:「好唔好自己知,人哋覺得我嫁得好應該當作祝福,起碼佢行出嚟啲人覺得佢係好,係叻仔,作為另一半感到自豪。」準王太邊講邊笑,真係甜到入心。

好快求婚 王大權覺得自己已到適婚年紀加上搵到啱嘅人,所以好快求婚。
好快求婚 王大權覺得自己已到適婚年紀加上搵到啱嘅人,所以好快求婚。
互補不足
張秀文表示同王大權性格能互補不足,相處舒服。
互補不足 張秀文表示同王大權性格能互補不足,相處舒服。
人妻封胸 張秀文嫁入豪門後,會適當地收起性感。
人妻封胸 張秀文嫁入豪門後,會適當地收起性感。
工作進取
以往張秀文喺工作上都好進取,從來唔介意晒身材。
工作進取 以往張秀文喺工作上都好進取,從來唔介意晒身材。
功德無量 阿Bob唔止做媒人,仲改變咗張秀文一生嘅大恩人。
功德無量 阿Bob唔止做媒人,仲改變咗張秀文一生嘅大恩人。
拍拖行山
疫情下同王大權行山當拍拖。
拍拖行山 疫情下同王大權行山當拍拖。
成長經歷 張秀文跟前經理人Victor(仇耀斌)拍拖7年分手。
成長經歷 張秀文跟前經理人Victor(仇耀斌)拍拖7年分手。
金牌媒人
阿Bob係金牌媒人,曾撮合朱慧敏同心臟科專科醫生陳良貴(Jason)良緣。
金牌媒人 阿Bob係金牌媒人,曾撮合朱慧敏同心臟科專科醫生陳良貴(Jason)良緣。
其他文章
hd