?>
首頁 即時娛樂

頭條獨家丨姚煒帶張偉文上查經班練行路 夏蕙姨轉軚決志信主

04/12/2021 06:00:00
姚煒帶張偉文上查經班練行路。
姚煒帶張偉文上查經班練行路。

68歲的「靚聲王」張偉文於4年前因腰椎病不良於行要坐輪椅代步,全靠歌手好友方俊(Aman)幫手負擔護老院支出及醫療費。之後張偉文為賺錢傍身決定再開騷,呢個逆境自強故事振奮人心,72歲的姚煒除咗出山做表演嘉賓外,日前仲帶埋張偉文跟黃夏蕙上查經班,希望集教友力量鼓勵到張偉文企返起身。採訪:方騫平

姚煒每周會搞查經會,仲會親自下廚。
姚煒每周會搞查經會,仲會親自下廚。
眼見演唱會反應熱烈,張偉文同方俊都心情大靚。
眼見演唱會反應熱烈,張偉文同方俊都心情大靚。

張偉文於本月20日起舉行3場《友情有義演唱會》,他知道有唔少觀眾撲飛支持自己,眼見票房反應熱烈心情大靚,目前積極練歌備戰,而且愈唱愈好,狀態回勇。

扶起張偉文練習行路

擔任表演嘉賓的姚煒試圖向張偉文傳福音,藉住宗教力量令張偉文可以企返起身。姚煒日前車埋張偉文參加每星期一聚嘅查經午餐聚會,同場有黃夏蕙及教友們,姚煒除親自下廚外,又帶領弟兄姊妹為張偉文祈禱,之後還集合大家力量扶起張偉文練習行路,希望能慢慢訓練他腳力,將來能一步步行走。期間姚煒姐一度感動落淚:「我見方俊出錢出力咁照顧張偉文,真係好有情有義,所以我都想做返啲嘢,尤其張偉文咁後生啲歌又唱得咁好,咁快就唔行得覺得好可惜,希望用宗教去鼓勵佢。」張偉文感激說:「我都知道係冇可能企得起身,但係佢哋一番誠意幫我練習,感受到佢哋嘅愛同埋支持。」

教友集合大家力量扶起張偉文練習行路。
教友集合大家力量扶起張偉文練習行路。
飯後姚煒向夏蕙姨及張偉文傳福音。
飯後姚煒向夏蕙姨及張偉文傳福音。

另外,年年新年都撲去黃大仙廟上頭注香嘅夏蕙姨,近年亦活躍於教會,原來她受姚煒影響決志信主,當日亦為張偉文祈禱及唱聖詩,仲話要買演唱會飛支持,好搞笑。

姚煒帶領教友唱聖詩。
姚煒帶領教友唱聖詩。
張偉文日日積極練歌,愈唱愈好。
張偉文日日積極練歌,愈唱愈好。
其他文章
hd