?>
首頁 即時娛樂

獨家丨張敬軒跨年Show兩度加場 自揭退出仙后餐廳原因

04/12/2021 01:30:00
軒仔退出一手湊大的仙后餐廳,放多啲時間做幕前。
軒仔退出一手湊大的仙后餐廳,放多啲時間做幕前。

張敬軒將舉行15場紅館跨年演唱會,據知反應熱烈會再度加推1月13至15日的3場門票。主辦單位見售票反應太熱烈,於是極力跟紅館周旋檔期,最終協調出紅館的維修期而成功爭取加場。

對於跨年紅館Show第二度加場,軒仔接受本報獨家訪問回應:「吓,你哋咁快喺邊收到料?我估我呢一刻唔方便回應你哋住,一切仲等緊公司處理,多謝支持。」

仙后餐廳好有特色。
仙后餐廳好有特色。
軒仔係吒咤以一力敵四鏡。
軒仔係吒咤以一力敵四鏡。

至於退出一手經營的仙后餐廳,軒仔則表示:「其實舊年我已慢慢淡出餐廳前線運作,幫手諗橋、諗下午茶同埋Marketing宣傳手法,因疫情改變咗飲食業及好多行業嘅生態,所以仙后餐廳都要變陣,而最受影響係現場表演,呢個係餐廳特色之一,但而家見唔到幾時可以開返表演所以要變陣。」

軒仔又透露大股東將有新酒店和整個地皮的計劃,請了外國團隊來管理F&B,「自己已交出亮麗成績單,都想專注返嚟緊演唱會及出年嘅發展,不如正正式式交返畀佢哋,我就做返支持者,久不久去食飯,會繼續保持十分友好關係,全權將成間餐廳交畀大業主管理。」

其他文章
hd