?>
首頁 即時娛樂

姜濤指花姐似阿媽 計劃29歲退休移民外國

05/12/2021 08:30:00
姜濤在節目中自爆最近同阿媽講,話要29歲退休。
姜濤在節目中自爆最近同阿媽講,話要29歲退休。

現年22歲的MIRROR人氣王姜濤,最近接受美國華語節目《偶像名人堂》訪問,一直渴望可以盡早退休的姜濤,在節目中笑言已向阿媽提出要29歲達成退休目標,並有意移民外國。

訪問一開始,姜濤透露參加《全民造星》是因為窮,讀書時期連攞一、二百元報名費都有困難,而《造星》是免費所以報名。但入行後,工作量排山倒海,姜濤直認情緒一度出現問題,所以要將工作當成娛樂及生活,苦笑說:「諗點捱就真係好難捱,要識得同工作人員溝通,每日識到好多人都幾好玩。」

姜濤工作壓力真係好大,成日都講退休。
姜濤工作壓力真係好大,成日都講退休。
最初參加《全民造星》,全因唔使報名費。
最初參加《全民造星》,全因唔使報名費。



提到經理人花姐,姜濤視對方是娛樂圈中的「阿媽」,有時好溫柔、有時好惡,但無論做任何事都是對自己好,所以對她百份百信任。談到擇偶條件,姜濤直言一年前的答案,一定要「長頭髮、肥肥哋」,但現在覺得喜歡一個人,其實不需要一個特定標準,簡單一些,鍾意就鍾意,他一臉認真說:「如果你係因為呢啲setting去鍾意一個人,我唔覺得呢個係愛情,我唔會畀任何嘢框住自己。」

訪問尾聲,主持人邀請姜濤將來有機會要去紐約打邊爐,他顯得十分雀躍,並自爆退休計劃:「我最近先同我阿媽講,我firm我29歲要退休呢件事。我係有諗過移民外國,一定要嚟一次紐約。」主持表示很多粉絲期待,姜濤微笑回應:「到時大家可能認唔出係我呢!」

姜濤接受美國華語節目《偶像名人堂》訪問。
姜濤接受美國華語節目《偶像名人堂》訪問。
姜B視花姐為娛樂圈「阿媽」。
姜B視花姐為娛樂圈「阿媽」。

姜濤亦有在節目中講減肥。
姜濤亦有在節目中講減肥。
談到擇偶條件,姜濤現在已經冇特定標準。
談到擇偶條件,姜濤現在已經冇特定標準。
其他文章
hd