?>
首頁 即時娛樂

青春本我|炎明熹聽到音樂就會喊 總導演李敏:真係喊到下巴震晒

05/12/2021 12:45:00
Gigi喊到下巴都震晒。
Gigi喊到下巴都震晒。

TVB青春劇《青春本我》今晚(5日)首播,談到劇中同學仔,總導演李敏笑言由於17人當中,有15.5名完全沒有演戲經驗,甚至連半句對白也沒講過,加上拍攝時間緊絀,故開拍前難免有心理壓力。為了令整件事更順暢,李敏特意開夜車為眾新人撰寫了一份名為「演技雞精班」的備忘;正式開拍前,又專誠抽空與每位演員獨立會面。她說:「我哋有為佢哋度身打造角色,因為新人最好係做番自己;我哋另外亦有根據佢哋角色性格,個別設計唔同嘅心理狀況畀佢哋。」

好有動感。
好有動感。
Venus(中)亦是喊得之人。
Venus(中)亦是喊得之人。


李敏認為香港需要培育更多新演員,她亦坦言從一開始拍攝這劇到現在進入後期剪接等工作,對於看到一眾新演員們每次都有進步大感安慰:「好有滿足感,睇住佢哋由對白都講唔到,甚至走錯位,去到依家起碼叫有啲演技存在。最尾幾日,佢哋甚至識得互相提點,我係好感動!」
李敏續指「女子組」角色需要處理較多喊戲,當中炎明熹(Gigi)及林沚羿(Venus)的喊戲帶給她一定程度驚喜:「Gigi佢除咗第一次喊得比較混亂,因為佢耷低咗個頭喊,所以拍到嘅鏡頭好少!之後大家明白咗原來Gigi只要一聽到音樂就會喊,所以我哋每次都有準備音樂,同埋知道Gigi第一、二個take就會喊盡,所以我哋拍佢嘅喊戲要一嚟就嚟,佢真係喊到下巴都震晒㗎!」李敏又指童年時曾出演電影《蜘蛛俠2》的Venus,亦是開水喉代表:「佢哋未算控制自如,所以我哋拍攝要配合番佢哋嘅節奏。」

唔使喊咪幾好。
唔使喊咪幾好。
Gigi拍喊戲要靠音樂培養感情。
Gigi拍喊戲要靠音樂培養感情。

Venus演一名會經歷失戀的女學生。
Venus演一名會經歷失戀的女學生。
根據工作人員透露,Yumi(左起)、Gigi同Chantel的集中度,會隨著一個「因素」而改變。
根據工作人員透露,Yumi(左起)、Gigi同Chantel的集中度,會隨著一個「因素」而改變。
其他文章
hd