?>
首頁 即時娛樂

頭條獨家丨魏浚笙曾減肥過度患厭食症 最愛打拳爆汗 輕晒朱古力腹肌

06/12/2021 01:00:00
魏浚笙曾減肥過度患厭食症,𠵱家靠打拳操肌。
魏浚笙曾減肥過度患厭食症,𠵱家靠打拳操肌。

因為要拍ViuTv劇《i.SWIM》,魏浚笙(Jeffrey)要脫胸毛兼無間斷着泳褲半裸上陣,為晒麒麟臂兼露腹肌開鏡前瘋狂健身。23歲,身高177cm嘅Jeffrey的一身肌肉得來不易,事關佢同姜濤一樣由細到大都係肥仔,同樣最高峰時Over 200磅,為保小鋼條身形要Keep住做運動。日前Jeffrey去拳館跟師傅練拳,見佢拉完筋就上擂台係咁出拳同踢腿,招招有力,用背心衫尾抹汗時仲唔覺意晒出6嚿朱古力腹肌,佢女友就好啦。採訪:方騫平 攝影:葉君海 場地:Ole Muay Thai and Fitness 鳴謝:OLE師傅

打得投入 魏浚笙上擂台瘋狂出拳及踢腿,打到啪啪聲好投入。
打得投入 魏浚笙上擂台瘋狂出拳及踢腿,打到啪啪聲好投入。
好鬼為食

肥仔最愛食,童年Jeffrey望住蛋糕流口水。
好鬼為食 肥仔最愛食,童年Jeffrey望住蛋糕流口水。

當日,魏浚笙跟泰國師傅練拳,打到啪啪聲好投入仲係咁爆汗。原來他中學時曾學過兩年泰拳,覺得減肥唔使咁悶之外,最重要打拳擊好有型。

3個月自殘式減60磅
Jeffrey同姜濤一樣是少年「肥波」,同樣有減肥血淚史:「中六時同女朋友Evelyn一齊變『幸福肥』,我哋成日食宵夜,直至去咗model公司casting,啲人就奇怪咁問『呢個人咁肥都上嚟?』唉!心諗『係咪真係咁差呢?點解唔做好啲自己先去呢?自己都未ready,唔怪得人哋去批評你!』」為咗極速搣走脂肪,Jeffrey用咗個極端方法,「早上係咁飲齋啡,一日食得一餐,喺短短3個幾月內激減60磅,但就搞壞咗身子變咗厭食症、頭痛兼流鼻血,最後都係做運動,同埋配合高蛋白質食物,我會食黑椒雞扒同埋切粒椰菜花加三文魚。(有冇同姜濤一齊研究吓?)佢係我前輩,見到面會say Hi,我反而有同Edan(呂爵安)交流,知道佢都係食雞扒Keep Fit。」

露麒麟臂 魏浚笙由昔日「肥波」變大隻仔,呢對麒麟臂得來不易。
露麒麟臂 魏浚笙由昔日「肥波」變大隻仔,呢對麒麟臂得來不易。
強勁腹肌
Jeffrey打到爆晒汗,抹汗時6嚿朱古力腹肌瞬間露出。
強勁腹肌 Jeffrey打到爆晒汗,抹汗時6嚿朱古力腹肌瞬間露出。

激讚邱士縉線條最靚

𠵱家Jeffrey操出引死人腹肌,不過佢都仲係唔滿意:「我最鍾意The Rock嘅筋肉人身形,真心好厲害。𠵱家我只係得6嚿腹肌,可能我天生肥底最下兩塊唔夠突出,喺《i.SWIM》入面邱士縉(Stanley) 嘅肌肉最齊同埋最完整,線條好靚。」Jeffrey表示拍攝期間有盡操,唔想出嚟效果唔好而後悔。講到要剃埋胸毛,Jeffrey笑言,「我都唔知點解咁茂盛,劇組話中學生唔會有咁多體毛。」由《調教你男友》入行年多,Jeffrey稱最大改變係做多咗運動,賺多咗錢反而唔係重點:「我同女朋友唔揮霍,又唔識投資,可能儲起嚟做老婆本,我哋有個聯名戶口,(佢掌握你財政?)大家有商有量,我都好少買嘢,佢見我買嘢會好開心。」

明年Jeffrey嘅目標係學唱歌、演戲及考車牌:「作為新人好多方面都想試吓,如做打星。」而他於《膠戰S2》中經常被取笑,最近又笑他「煨Sir自創成語『看不順眼』」,對此,他直認成日「跳掣」諗錯方向,好彩有Edan及岑珈其照顧:「人總有缺憾,我係蠢嘅代表,但唔係藉口,所以要比其他人更加努力。」

可愛肥仔 小學階段嘅Jeffrey係肥仔嘜,肚腩一截截好肉感。
可愛肥仔 小學階段嘅Jeffrey係肥仔嘜,肚腩一截截好肉感。
剃毛演出

Jeffrey拍《i.SWIM》要剃毛演出,其實身形都好正吖。
剃毛演出 Jeffrey拍《i.SWIM》要剃毛演出,其實身形都好正吖。
身形最靚 大讚Stanley嘅8塊肌肉最完整最靚。
身形最靚 大讚Stanley嘅8塊肌肉最完整最靚。
地獄減肥

大學時期經歷過地獄式減肥,身形瘦晒。
地獄減肥 大學時期經歷過地獄式減肥,身形瘦晒。
目標The Rock 魏浚笙想變The Rock嘅爆肌身材。
目標The Rock 魏浚笙想變The Rock嘅爆肌身材。
儲錢結婚

魏浚笙同女友感情穩定,仲有埋銀行聯名戶口。
儲錢結婚 魏浚笙同女友感情穩定,仲有埋銀行聯名戶口。
蠢嘅代表 同「6膠」比較,魏浚笙領悟力較低自認係蠢嘅代表。
蠢嘅代表 同「6膠」比較,魏浚笙領悟力較低自認係蠢嘅代表。
自創成語

最近魏浚笙喺《膠戰S2》又爆出「煨Sir自創成語『看不順眼』」,好搞笑。
自創成語 最近魏浚笙喺《膠戰S2》又爆出「煨Sir自創成語『看不順眼』」,好搞笑。
其他文章
hd