?>
首頁 即時娛樂

楊潮凱因《那些年》觸發執導青春片念頭 獲家人支持感激落淚

06/12/2021 12:30:00
楊潮凱執導的青春片,獲不錯的口碑。
楊潮凱執導的青春片,獲不錯的口碑。

楊潮凱近日接受TVB娛樂新聞台節目《StarTalk》的訪問,跟主持許文軒(Edmond)分享首次執導電影,楊潮凱稱與另一導演兼同學吳詠珊,突有念頭合作拍攝青春片,是因為當年看過台片《那些年 我們一起追的女孩》後甚有感受,他說:「世界各地都有青春片,點解好似香港冇,而且2003年係好值得我哋香港人記住嘅一年,正正嗰年沙士我好記得自己戴住口罩去會考,所以作為我第一套戲,我好想記錄呢個時段。」

女主角有談善言(右)及楊偲泳。
女主角有談善言(右)及楊偲泳。
故事講兩人由讀書開始的友情。
故事講兩人由讀書開始的友情。



談到花了6年時間成為電影導演,楊潮凱一度感觸落淚,他邊說邊哭成淚人:「由訓練班開始到拍第一套電影,真係好難行,佢哋好支持,爸爸媽媽好擔心我嘅生活問題,我又未必畀到好好嘅生活佢哋,覺得虧欠咗佢哋,好開心首映睇完之後,佢哋話好自豪有我呢個仔!」楊潮凱亦感激太太一直在身邊支持,令自己可以完成夢想。

楊潮凱(左)接受許文軒訪問。
楊潮凱(左)接受許文軒訪問。
三人合作愉快。
三人合作愉快。

談到獲父母及太太支持,楊潮凱激動落淚。
談到獲父母及太太支持,楊潮凱激動落淚。
跟圈外女友結婚後,現育有一個囡囡。
跟圈外女友結婚後,現育有一個囡囡。
其他文章
hd