?>
首頁 即時娛樂

頭條獨家丨《造星IV》何佩自資將參賽歌派台 唔覺似Ian最想同阿Jer合作

08/12/2021 07:00:00
何佩很欣賞Ian和阿Jer,可惜暫時未有機會跟師兄集郵。
何佩很欣賞Ian和阿Jer,可惜暫時未有機會跟師兄集郵。

《全民造星IV》有「女版Ian」之稱、83號何佩(何佩婷),頭Round憑住演繹原創歌曲《Unknown》,加上為離世男友再追夢的背景感動全場,可惜第二Round團體賽,被導師許廷鏗列入死亡名單,最終60強止步。雖然要離開《造星IV》舞台,但何佩仍會堅持追夢,更打算做獨立歌手自資將《Unknown》派台。提到跟Ian撞樣,她就不覺似,更自爆好想跟偶像阿Jer合作。撰文:杜杜、秦詠姿  攝影:葉君海、譚壹致

何佩的笑容好有親和力。
何佩的笑容好有親和力。
何佩第一Round演繹原創歌曲《Unknown》,成功打入60強。
何佩第一Round演繹原創歌曲《Unknown》,成功打入60強。



25歲的何佩雖然與男友的故事感動觀眾,但卻不肯再提有關男友話題,男友因何離世或是兩人拍拖多久等等,她一概婉拒回應。而對於公開男友故事被指消費對方,她就解釋寫歌是基於自己真實故事,不會刻意掩飾,「消唔消費,而家出咗所有關於我另一半嘅嘢,我唔會Repost就好簡單解釋咗,嗰時只係花姐問我就咁答,冇諗太多,之後都會諗自己會唔會太坦白呢?但係講咗就係講咗,呢個係真人騷,而呢一樣嘢係我真實嘅故事,係我嘅經歷,我講都係屬於我嘅嘢,反而係其他人有冇去消費我呢件事。」

何佩同Ian真係幾似樣。
何佩同Ian真係幾似樣。
何佩因離世男友再追夢而參賽。
何佩因離世男友再追夢而參賽。



做兼職助追夢
雖然被《造星IV》淘汰,但何佩未有放棄歌手夢,已計劃做獨立歌手,自資出歌派台,「我一定會做音樂,繼續寫歌,我會想自己嘅歌派台,就算自己出錢都會令自己嘅歌派到台。(做獨立歌手?)係呀,既然你追夢,或者去做呢件事就要有頭有尾,我唔能夠喺節目面前灑熱血,之後就冇咗,我一定要將我要做嘅事延續落去。《Unknown》喺節目都出咗,年尾睇吓可唔可以將佢派台同埋拍到MV,呢個時候就要碌人情牌,冇錢都要做,不過一定有方法可以搵到錢,最多做多幾份freelance,自己都有寫廣告稿同埋做設計。」


何佩被指似師兄Ian,除了樣貌,還因為同樣愛創作,拎住結他表演。不過她自覺唔多似Ian,「可能露齒嘅人畀人感覺親切,我唔覺得特別似,側面有少少似啩!但希望大家睇嘅係我,而唔係其他人影子。」何佩直言無端端跟Ian有關連覺得好榮幸,又讚對方有才華,但講到合作她首選偶像阿Jer,「我好鍾意阿Jer,佢出《水形物語》時已經有聽,覺得無論佢啲歌或者演繹,個人嘅性格都好好,我好欣賞佢,好想同佢合作,因為真係鍾意。」

對於被指消費男友,何佩感到好無奈。
對於被指消費男友,何佩感到好無奈。
加入許廷鏗A組的何佩,可惜第二Round被列入死亡名單未能晉級。
加入許廷鏗A組的何佩,可惜第二Round被列入死亡名單未能晉級。
何佩參賽前已開設個人頻道「HOPUI 何佩 」分享創作歌曲。
何佩參賽前已開設個人頻道「HOPUI 何佩 」分享創作歌曲。
以唱作歌手陳蕾為奮鬥目標的何佩,會堅持歌手夢。
以唱作歌手陳蕾為奮鬥目標的何佩,會堅持歌手夢。
其他文章
hd