?>
首頁 即時娛樂

麻雀鬥室三決一丨馮盈盈被封慢勢魔王 遭張頴康咆哮問識唔識打

07/12/2021 20:00:00
盈盈會成大贏家?!
盈盈會成大贏家?!

由薛家燕擔任「話事人」的TVB全新綜藝遊戲節目《麻雀鬥室三決一》,今晚(7日)十點半將播出第四集。上星期播出的第三集,遇上「慢勢魔王」馮盈盈,每打一隻牌都要思前想後,慘遭同枱對手寸爆:「有盈盈嘅Call Time要加番五個鐘。」

由於事態嚴重,出名好好先生的張頴康亦忍不住咆哮謂:「你到底識唔識打牌㗎?!」雖然慘遭圍攻,但盈盈依然「輸人唔輸陣」,牌章略遜一籌的她,全程以「聲殺」應付敵方,尤其碰牌及槓牌時,更會發出驚人分貝。被公認為「站長」兼且史上最嘈的盈盈,最終連柏檔戴祖儀也看不過眼,不斷催促盈盈「求其」打,結果在極度混亂的情況下,盈盈慘食詐糊,順理成章成為首輪包尾!

盈盈連詐糊都食埋,真係好「厲害」。
盈盈連詐糊都食埋,真係好「厲害」。
今集嘉賓有馮盈盈、張頴康(左二)、朱敏瀚(右二)及陸浩明。
今集嘉賓有馮盈盈、張頴康(左二)、朱敏瀚(右二)及陸浩明。


而今晚播出的第四集,自稱只是「扮唔識打牌」的盈盈,將繼續引爆更多笑彈,並嚴重擾亂麻雀枱上所有秩序。正所謂「盲拳打死老師傅」,盈盈最終成功「殺掉良民」、進級與有麻雀界「滅絕師太」之稱的麻雀高手過招,不過由於最後一輪沒有了戴祖儀在身邊教路,盈盈「混亂」情況將再度升級!到底盈盈能否邪到最後、反敗為勝成為終極冠軍?咁就要密切留意今晚播出的《麻雀鬥室三決一》了。

盈盈真係打得好慢。
盈盈真係打得好慢。
張頴康係咁催佢快啲。
張頴康係咁催佢快啲。

朱仔自爆同吳若希同年同月同日生,有冇咁有緣呀。
朱仔自爆同吳若希同年同月同日生,有冇咁有緣呀。
其他文章
hd