?>
首頁 即時娛樂

頭條獨家丨Tyson Yoshi最怕做2.0無興趣簽公司 有錢仔每月畀幾千蚊家用

09/12/2021 00:00:00
有錢仔Tyson Yoshi最怕畀唱片公司迫做2.0。
有錢仔Tyson Yoshi最怕畀唱片公司迫做2.0。

因為爆肌演《拉闊音樂會》,令27歲本土歌手Tyson Yoshi(程浚彥)人氣急升,仲被踼爆家住深灣千呎海景豪宅。連人氣王姜濤都係佢fans,問到兩人會否合作一首歌時?Tyson Yoshi即推介電腦存貨《If I Die tonight》:「綵排時見佢出event暈低就諗呢首歌,如果我今晚死嘅話可以講乜呢?呢首歌頗為探討內心主題。」採訪:方騫平 攝影:沈健程 髮型:Jim Tse@ Hair Corner 化妝:Tong Ming 服裝:Louis Vuitton 場地:Reality Goods Studio

姜濤見到偶像Tyson Yoshi都變咗小fans。
姜濤見到偶像Tyson Yoshi都變咗小fans。
送畀女友拍拖紀念作《Christy》,在YouTube有過千萬點擊,姜濤都有畀like。
送畀女友拍拖紀念作《Christy》,在YouTube有過千萬點擊,姜濤都有畀like。

Tyson Yoshi 3年前才正式出道,其中送畀女友嘅拍拖紀念作《Christy》,YouTube有過千萬點擊,他堅持每首歌都要有真實性,有自己嘅故事同感受,唔鍾意啲冇靈魂嘅歌,而姜濤喺event暈低都帶畀佢創作靈感。

冇緣簽唱片公司

Tyson Yoshi唔抗拒同姜濤合作:「可以呀隨緣啦!我有首《If I Die tonight》demo好啱佢,喺《拉闊音樂會》見到佢就忍唔住同佢講『喂!你記唔記得前排我畀你聽嗰首歌呀?你前排暈咗,首歌好啱你!』姜濤就笑住答『係囉係囉…可以喎!』」Tyson Yoshi多鬼主意,他解釋:「咁(獨立歌手)冇人幫我諗,係咁㗎啦!」Tyson Yoshi喺台灣及香港都傾過唱片公司,但理念唔啱:「作為創作者最悶做2.0,但作為老闆見好一定會追加,好似叉燒飯賣得就做專門店,大佬呀!音樂嚟㗎!所以我認命唔會簽公司,始終音樂係熱愛嘅興趣。」

Tyson Yoshi覺得自己廣東話唔夠好,堅持一年只出一首廣東歌。
Tyson Yoshi覺得自己廣東話唔夠好,堅持一年只出一首廣東歌。
於《拉闊音樂會》變身爆肌男令他人氣急升。
於《拉闊音樂會》變身爆肌男令他人氣急升。

問到係咪作為「富二代」有錢就任性?他卻反問說:「我係咪有錢?我唔知喎!I am whatever you want me to be(你想我係咩都得),冇所謂,開心就得,最緊要唔好影響到屋企人。」他堅持可以自給自足做音樂,每個月仲可以畀幾千蚊家用。

家住海景豪宅,「Tyson Yoshi有錢」成為Google搜尋關鍵字。
家住海景豪宅,「Tyson Yoshi有錢」成為Google搜尋關鍵字。
Tyson Yoshi同女友Christy經常放閃,兩人打算30歲結婚。
Tyson Yoshi同女友Christy經常放閃,兩人打算30歲結婚。
Tyson Yoshi都好想同林家謙合作,睇吓一動一靜會擦出乜嘢火花。
Tyson Yoshi都好想同林家謙合作,睇吓一動一靜會擦出乜嘢火花。
其他文章
hd