?>
首頁 即時娛樂

造星IV丨余迪偉斥欣宜釗峰唔評唱功 獲網民激讚一針見血

09/12/2021 15:30:00


余迪偉做開電台DJ及電視節目主持人,出名轉數快而且說話直接。近日ViuTV《全民造星IV》播出余迪偉有份做評判的集數,雖然他在節目中所佔篇幅不多,但評語夠精準,令網民拍爛手掌。

昨晚(8日)展開30強入20強的分組比賽,首先出場的A組有大熱Marf坐陣,加上CK出色的編曲,齊到爆的舞步獲評判大讚,評語都非常一致。不過到馬欣、東東及方方等人所在的B組出場表演,黃修平導演感動到喊被網民指太誇張,而欣宜及釗峰除了同樣大讚好感動,評論都偏重於讚舞台效果居多。當下已有網民在討論區批評B組唱歌有不少走音的情況,但欣宜卻避重就輕:「一開頭見到東東,啲霧散開,我好被你吸引住。三位主要表演者中,馬欣肢體動作最有美感,但最吸引我嘅係方方,因為我覺得你唱得好穩陣。」呢句評論就更加令網民跌眼鏡,事關方方其實都有不少走音的情況。

 

(右起)余迪偉、馮允謙、鄭欣宜、梁釗峰及黃修平任《造星IV》評判。
(右起)余迪偉、馮允謙、鄭欣宜、梁釗峰及黃修平任《造星IV》評判。

 
B組唱歌有好多失準情況,但歌手們任評判卻未有點出問題。
B組唱歌有好多失準情況,但歌手們任評判卻未有點出問題。

 

余迪偉評論時表明的確有被表演感動,但亦斥欣宜、釗峰及馮允謙未有就歌唱技巧給意見,同時稱:「好有舞台效果,如果擺落藝術表演係會好好睇,但如果要選女團……我唔介意一個女團喺演唱會有呢Part嘢,但係咪典型嗰隻女團呢?做到香港特色女團要嘅表演呢?我唔知,但問題係歌唱部份,我唔知點解前面三個歌星都冇評論歌唱技巧,東東係好勁,但對唔住,唱得實在唔夠好,聽唔到你唱乜!」又直指馬欣、東東及方方身為表演中的主角,唱功影響整體表現,連花姐喺後台都指評論好合理,網民則激讚余迪偉一針見血。
網民大讚DJ做選秀節目評判比其他藝人好好多。
網民大讚DJ做選秀節目評判比其他藝人好好多。

 
有網民認為方方明明有走音,但欣宜仲讚佢唱得穩陣,令佢好錯愕。
有網民認為方方明明有走音,但欣宜仲讚佢唱得穩陣,令佢好錯愕。

 
有網民認為幾位評判講嘢唔夠直接,而且夾硬搵嘢讚。
有網民認為幾位評判講嘢唔夠直接,而且夾硬搵嘢讚。

 

網民對於余迪偉的評論表示讚賞,又認為DJ比其他藝人更適合做評判,指他們說話夠直接,「尋晚B組唱得咁難聽,三個歌手完全無提,要等余迪偉出聲」、「估唔到Joyce都唔講真嘢」、「好多個都係度搵位讚」。

 
黃修平被B組表演感動到喊,有網民話佢太誇張。
黃修平被B組表演感動到喊,有網民話佢太誇張。
東東被余迪偉點名唱功不足。
東東被余迪偉點名唱功不足。
上周播出選30強的集數有首屆導師之一卓韻芝做評判,同樣被網民讚評論中肯。
上周播出選30強的集數有首屆導師之一卓韻芝做評判,同樣被網民讚評論中肯。

 

其他文章
hd