?>
首頁 即時娛樂

頭條獨家丨Gin Lee恨同學友攞獎光宗耀祖 視演唱會為送給歌迷禮物

09/12/2021 20:45:00


 

Gin Lee(李幸倪)近期除了忙於為以網上流行詞做主題的新歌IDK》宣傳外,亦積極籌備本月17日舉行的GIN LEE “YOURS FAITHFULLY” LIVE演唱會》,她視這個紀念來港發展10年的演唱會是送給歌迷的禮物,內容更精心安排。對於事業的下個10年,她期望可遇到Magic Moment,而年尾頒獎就最想跟偶像張學友合唱歌能奪獎。撰文:杜淑霞 攝影:葉君海

為了今次開騷,Gin專登減磅望有更好效果。
為了今次開騷,Gin專登減磅望有更好效果。
Gin望事業上的下個10年,能夠遇上Magic Moment。
Gin望事業上的下個10年,能夠遇上Magic Moment。

IDK即「I don't know」意思,Gin想講網絡發達令人未理解就下判斷,好似她早前為《聲夢傳奇》做導師被誤解,所以好支持IDK」這說法,任何事先當不知去了解,「當時有啲留言都幾狠,可能個網友係媽媽會話『你咁樣教小朋友係害咗佢』啲指控太誇張,其實我係試咗10個方法揀其中一個去做,但剪咗出嚟好似冇試過,我就深深體會到出面嘅人,永遠唔知當事人做過啲乜嘢。」
《IDK》是Gin未試過的拉丁曲風,仲要跳埋舞。
《IDK》是Gin未試過的拉丁曲風,仲要跳埋舞。
Gin為《聲夢傳奇》做導師時,引來不少誤解。
Gin為《聲夢傳奇》做導師時,引來不少誤解。

 望遇事業Magic Moment

提到本月17日舉行的演員會,Gin視為Fans Gathering多於一個演唱會,還預告準備了勁歌熱舞及配合聖誕氣氛等5個環節,還有一part是精心為Fans喜好準備,「呢個騷係送畀fans嘅禮物,嚟得千幾個觀眾都係我好熟識嘅fans,可以揀一啲side track嘅歌,我睇佢哋留言,記住佢哋講過好想聽咩歌,但係我好少唱,今次就可以唱。」演唱會是紀念Gin來港發展10年,展望下個10年,她希望事業更上一層樓,能遇上Magic Moment,「呢10年喺啱嘅時候有一首啱嘅歌,再配上啱嘅人,呢個magic可能未發生,期望喺第210年呢個magic moment會發生,但結論係冇其他方法,唯有不停做不停試,堅持總會有機會,唔試就連機會都冇,而其他嘢就交畀個天。」
Gin認為今次演唱會場地較細,反而可跟粉絲拉近距離。
Gin認為今次演唱會場地較細,反而可跟粉絲拉近距離。
Fans專登為紀念Gin來港發展10年舉行展覽。
Fans專登為紀念Gin來港發展10年舉行展覽。
Gin認為今次開騷最美中不足,是家人未能來港支持。
Gin認為今次開騷最美中不足,是家人未能來港支持。

 對於年尾頒獎禮,Gin期望能跟偶像張學友合作的《出日時讓街燈安睡》有好成績,「至少呢首歌有個交待,難得歌神出山。」她認為得奬絕對是光宗耀祖,「個意義會好大,好似寫入歷史書,對於我或者我嘅後人嚟講,子子孫孫都係件好威水嘅事。」
能跟偶像張學友合唱已令Gin好感恩,若奪獎更加不得了。
能跟偶像張學友合唱已令Gin好感恩,若奪獎更加不得了。

 

 

其他文章
hd