首頁 即時娛樂

頭條獨家│《造星IV》Marf疑與廣告男星熱戀中 網民爆盧思睿勁花心

21/12/2021 22:30:00


ViuTV《全民造星IV》聖誕節當日將舉行決賽,日前20強一同出活動已有不少Fans,而20強之一的19歲邱彥筒(Marf)唱得跳得又年輕,被視為冠軍大熱。參加比賽時一心二用,一邊繼續返工做獸醫護士,一邊排練比賽。近日備戰《造星IV》決賽之餘,她疑也一心二用開展新戀情。

 

Marf(右二)未決賽已經紅咗,好多活動出。
Marf(右二)未決賽已經紅咗,好多活動出。

 

今日「連登討論區」有網民以「Marf 邱彦筒同PayMe乞衣拍拖」為題開Post,直指Marf有新戀情呀!而網民所指的「Payme乞衣」相信是廣告男星盧思睿(Bryan),事關他在過年時被網民Cap低他在IG分享個人PayMe的QR Code請大家給他利是,此舉被網民批評似乞衣。

 
有網民話Marf有新戀情。
有網民話Marf有新戀情。

 
Bryan之前曾以PayMe逗利是,引來網民批評。
Bryan之前曾以PayMe逗利是,引來網民批評。

 
Bryan拍過唔少廣告。
Bryan拍過唔少廣告。

 
大家雖然未必認到Bryan,但有睇開電視就一定睇過佢啲廣告。
大家雖然未必認到Bryan,但有睇開電視就一定睇過佢啲廣告。

 
睇Bryan IG似乎都行開文青風。
睇Bryan IG似乎都行開文青風。

 

 

樓主就稱Marf與Bryan應該是剛拍拖兩星期左右,至於他如何發現這對小戀人呢?樓主開Post同時附上11月底Marf出Po時,Bryan留言:「Lob u」又加埋老虎Emoji的截圖,而睇返Marf個IG簡介都有好多老虎Emoji。

 
Marf的IG簡介有好多老虎Emoji,十足佢標誌咁。
Marf的IG簡介有好多老虎Emoji,十足佢標誌咁。

 
Marf於11月尾出Po,引來Bryan留言。
Marf於11月尾出Po,引來Bryan留言。

 

其後男方又畫畫分享到IG,再Tag埋Marf個IG,而Marf亦有轉發再留言稱好鍾意幅畫。近日男方就更大方地疑在IG公開新戀情,於限時動態留言:「幸運兒是你」,同樣有老虎Emoji,不過張相就故意影到矇晒睇唔到人樣。巧合的是Marf同一時間又於IG限時動態疑似附和男友:「我的幸運」。Bryan日前再將與一名的女子合照上載IG限時動態,不過未知是否Marf而家愈來愈紅,Bryan都用返老虎Emoji遮女友樣。

 
Marf都有分享Bryan嘅畫作。
Marf都有分享Bryan嘅畫作。

 
同一時間出Po疑似傳情。
同一時間出Po疑似傳情。

 
Bryan唔開女友樣,不過又有同一個老虎Emoji……
Bryan唔開女友樣,不過又有同一個老虎Emoji……

 

今時今日偶像拍拖都已是平常事,不過網民擔心的似乎是Bryan的人品,事關不少網民除了重提Bryan用PayMe逗利是一事外,更指Bryan是「食家」,又曾在網上約女網民發生關係,紛紛稱怕Marf太年輕被騙呀!

就Marf傳出新戀情一事,其經理人戴穎(Wing)今日回覆本報稱:「私人事唔回應啦!佢宜家都係專心決賽。」

 
網民好擔心Marf。
網民好擔心Marf。

 
引來好多網民爆Bryan感情生活豐富。
引來好多網民爆Bryan感情生活豐富。

 
更疑似曾在IG約炮。
更疑似曾在IG約炮。

 
不過網民講嘢未必真得晒,大家切勿跟車太貼嘞!
不過網民講嘢未必真得晒,大家切勿跟車太貼嘞!

 

其他文章
hd