?>
首頁 即時娛樂

《衰神》推特別版彩蛋 北河小渝命運早注定

15/01/2022 14:30:00


TVB短劇《愛上我的衰神》早前大結局,因劇集打破傳統框架,故自播出後贏得不少觀眾歡心,有網民促開第二季的同時,亦有不少人看完電視版後,再湧到myTV SUPER重溫該劇。

馮皓揚演少年版北河。
馮皓揚演少年版北河。

近日,有網民發現myTV SUPER播出的第十集大結局,除了有大玩「平行時空」兼北河小渝身份互換的彩蛋外,更多出了一個之前從未在電視曝光過的彩蛋。彩蛋劇情講述北河與小渝在命案發生前原來早已經常一同乘搭同一架小巴,有次小渝不小心掉了鎖匙扣,當時對小渝有所心動的北河雖然拾起了鎖匙扣,但卻沒有勇氣當面交還小渝,最終只是偷偷地放回小渝書包中,並露出極度害羞的表情。由於飾演北河年輕版的馮皓揚表現到位,令人深深感受到一股甜蜜的少男情懷。
區明妙演少女版小渝。
區明妙演少女版小渝。
北河執到小渝跌的鎖匙扣,只偷偷放回小渝書包度。
北河執到小渝跌的鎖匙扣,只偷偷放回小渝書包度。

由於彩蛋內容頗為含蓄,有不少網友留言表示不太明白箇中意義,對此,監製方駿釗受訪時解釋謂:「呢個彩蛋嘅時間線係發生喺小渝同哲人開始咗戀情之後,其實係想講北河同小渝嘅緣分一早已經開始咗,假如北河唔係咁軟弱,只要佢肯向小渝示好,咁就可能多咗個平行時空,小渝可能會喺第一次畀竇哲人打嘅時候就離開對方,亦有可能唔會發生小渝被殺事件!」就連歸還鎖匙扣都「冇膽」,彩蛋內容似乎呼應了北河為何會「見死不救」,對此監製表示:「北河選擇唔報警,就係因為佢係一個好懦弱怕事嘅人,呢個世界一定有咁嘅人,我哋嘅主角北河唔係英雄。人一生一定有機會做錯事,呢個故事就係講緊當大家有機會時,應該點樣面對錯失以及如何自我救贖。」
如果北河當初主動點,小渝的命運或可改變。
如果北河當初主動點,小渝的命運或可改變。

立即下載 | 全新《星島頭條》APP : https://bit.ly/3yLrgYZ

其他文章
hd