首頁 即時娛樂

七線人棄王|林穎彤怨罵鄭雋熹好渣 何依婷爆喊自責阻住拍攝

16/01/2022 16:00:00


TVB全新綜藝節目《七線人棄王》昨(15日)晚首播後,myTV SUPER即緊貼於同一晚將一連十集的足本版在myTV Gold全套上架。製作組公佈「七線露營」拍攝花絮照,平時嬌滴滴的何依婷、林穎彤、林秀怡、王菲及黃嘉雯,五人分別夥拍姚宏遠、鄭雋熹、林浩文、陳俊堅及程浩駿組成不同顏色隊伍,並為了「求勝」及「求溫飽」無所不用其極。

Bella眼神明顯比何依婷凌厲。
Bella眼神明顯比何依婷凌厲。
Bella未開始遊戲已經瞓晒地。
Bella未開始遊戲已經瞓晒地。

五名女參賽者中,以林穎彤(Bella)最為突出,稱得上是「認真魔人」的Bella,無論「扮嘢短劇」或是埋身肉搏遊戲均120分落力,並憑藉驚人爆發力及意志力、在身形條件較輸蝕的情況下仍多番獲勝。反觀與其搭檔的熹熹,則全桯表現頹廢,冇力水又冇速度,絕對是「玩乜衰乜老鼠屎」,即使Bella如何從旁指導、提水甚至幫忙,熹熹依然毫無起色,令Bella一度終極爆Seed:「我真係好失望呀!點解佢咁渣架?!你睇吓佢仲唔知喺度做乜嘢,祈禱呀?!」
Bella無論點幫熹熹都係得個桔,難怪佢咁勞氣。
Bella無論點幫熹熹都係得個桔,難怪佢咁勞氣。
五子睇住五位靚女玩大橡筋遊戲。
五子睇住五位靚女玩大橡筋遊戲。

整個露營環節雖然「靚女在前」,但製作組依然零手軟,折磨眾人的方式更是層出不窮,其中一個遊戲是要眾女綁著大橡筋、在互相「牽扯」的情況下四出奔走「搶分」、在如此情況下眾人「一仆一碌」在所難免,有人「成口都係沙」,現場尖叫聲更是不絕於耳。期間依婷因與黃嘉雯身上的橡筋纏在一起、失平衡跌倒,當時其他參賽者因不知情繼續發力奔跑,令依婷硬食唔少「無情力」;幸好最終陳俊堅及程浩駿等發現依婷受困,齊齊動手將其「救起」,動彈不得,整個團隊目擊意外發生即大為緊張;眼淺的依婷爆喊並自責謂:「其實嗰日係我冇用…睇番當時大家都好關心我,我係唔好意思,我阻住拍攝,其實整親好小事,玩遊戲必會經歷。」
依婷同嘉雯遊戲期間失平衡齊齊跌咗落地。
依婷同嘉雯遊戲期間失平衡齊齊跌咗落地。
依婷嚇到喊,陰公。
依婷嚇到喊,陰公。

揚言會繼續努力的依婷事後果然火力全開,為了爭奪致勝關鍵「啤牌」更是心計盡出,認真估佢唔到!另外在食宿安排方面,製作組亦是花盡心思整蠱十位參賽者,依婷與宏遠更慘遭小偷偷去麵包,苦陷缺糧危機!
依婷好有青春氣息。
依婷好有青春氣息。

立即下載 | 全新《星島頭條》APP :https://bit.ly/3yLrgYZ

其他文章
hd