首頁 即時娛樂

頭條獨家丨黃庭鋒未敢做黃宗澤接班人 靠台慶51萬現金巨獎榮升業主

16/01/2022 21:45:00


今年黃庭鋒憑劇集《把關者們》演殉職消防員打入今年台慶頒獎禮「男飛躍」6強行列,雖然第三度落敗該獎項,但他一啲都冇失望,形容入到圍經已好驚喜,反而TVB台慶帶畀佢好多嘢,尤其喺4年前抽中51萬現金巨獎,他就再補貼首期,買咗天水圍一所屋苑樓花,今年元旦日收樓。採訪:方騫平 攝影:沈健程

TVB近年力捧年青演員,黃庭鋒正在上位中。
TVB近年力捧年青演員,黃庭鋒正在上位中。

 
黃庭鋒喺元旦日正式收樓做業主。
黃庭鋒喺元旦日正式收樓做業主。

 
黃庭鋒有才華有內涵。
黃庭鋒有才華有內涵。

黃庭鋒賽前都睇好羅天宇、丁子朗係「男飛躍」得主,果然冇跌眼鏡。對於再度失落「男飛躍」獎,問到可會感到失望時?他就大方說:「唔緊要喇!我會繼續努力,攞唔到『男飛躍』絕對係意料之內嘅事,其餘嘅對手都非常之出色。」
今年台慶他跟馮盈盈及何依婷行紅地毯。
今年台慶他跟馮盈盈及何依婷行紅地毯。

搬入新屋獨居
33歲嘅黃庭鋒日前正式榮升為業主,他相當興奮:「揀1月1號收樓感覺會更加特別,亦都多謝公司送呢份大獎畀我,我終於都收到樓可以做業主型返一次喇!希望試吓獨居,獨立一吓,每月供樓係支出多咗,幸而暫時頂得住,希望有多啲嘢做幫補吓。」
黃庭鋒喺《把關者們》中火場殉職戲令人感動。
黃庭鋒喺《把關者們》中火場殉職戲令人感動。

 
黃庭鋒喺元旦日正式收樓做業主。
黃庭鋒喺元旦日正式收樓做業主。

黃庭鋒在TVB新劇《OPM》首當男一,最近拍緊嘅《法證先鋒V》同黃宗澤(Bosco)有好多對手戲,被指受力捧成為Bosco接班人,黃庭鋒笑說:「我唔敢話係Bosco接班人,前面仲有好多人排緊隊!」4年前兩人合作拍過《守護神之保險調查》:「Bosco好記得我,尤其當時我同歐鎧淳喺嚴寒落水,游到口唇發紫。」黃庭鋒好欣賞Bosco嘅演出風格,既輕鬆又認真,令劇組都覺得好舒服。
同湯洛雯及Ben Sir等剛拍完TVB新劇《OPM》,黃庭鋒首當男一。
同湯洛雯及Ben Sir等剛拍完TVB新劇《OPM》,黃庭鋒首當男一。

 
黃庭鋒未敢做黃宗澤接班人。
黃庭鋒未敢做黃宗澤接班人。

 
他和歐鎧淳拍《守護神》時喺嚴寒落水。
他和歐鎧淳拍《守護神》時喺嚴寒落水。

 立即下載 | 全新《星島頭條》APP : https://bit.ly/3yLrgYZ

其他文章
hd