首頁 即時娛樂

頭條獨家丨家燕姐成個星期冇見孫仔 疫情嚴峻周圍拍嘢要好小心

18/01/2022 21:45:00


日前薛家燕聯同港姐宋宛穎、周志康、李丞責博士喺尖沙嘴星光大道拍攝TVB節目《新春開運王》外景,因為第五波疫情大爆發,加上周志康是「1月3日張敬軒演唱會群組」需強檢,台前幕後都變得小心防疫,要戴返個透明口罩出鏡防止飛沫。家燕姐坦言因為周圍拍嘢,接觸太多人,暫時不方便過去見孫仔,好掛住咁話!採訪:方騫平 攝影:葉君海

家燕姐率宋宛穎、李丞責博士及周志康喺星光大道睇掌印。
家燕姐率宋宛穎、李丞責博士及周志康喺星光大道睇掌印。

 
當日主持人戴晒透明口罩出鏡。
當日主持人戴晒透明口罩出鏡。

當日周志康到場即向家燕姐、宋宛穎、李丞責博士申報健康狀況,強調去睇軒仔個唱前曾做檢測,之後都做多一次,為人為己都會陸續再做。宋宛穎就笑住彈開話好驚,要跟他保持距離。雖然當日晨咁早開工,但都聚集咗一班途人圍觀,鏡頭前各人要戴返個透明口罩,幫唔到幾多,但好過冇。
宋宛穎、李博士、家燕姐及周志康喺星光大道拍《新春開運王》外景。
宋宛穎、李博士、家燕姐及周志康喺星光大道拍《新春開運王》外景。

 
家燕姐有唔少粉絲。
家燕姐有唔少粉絲。

 
該集李博士教睇掌紋。
該集李博士教睇掌紋。

爆孫仔學定請請𢭃利是

家燕姐話疫情嚴重,加上日日外景,有一個星期冇去見孫仔Julian,原來新抱仔陳素怡(Zoe)趁呢幾日教識8個月大嘅Julian做「請請」,學定跟嫲嫲拜年𢭃利是,家燕姐開心到不得了。曾預言家燕姐去年榮升嫲嫲嘅李丞責指家燕姐喺虎年唔止可以出外登台賺錢,仲會有機會攞獎,至於會唔會再抱孫?李博士說:「呢啲粗勞嘢留返畀後生做,三年抱兩好正常,所以應該會有兔孫。」家燕姐笑言想得「最佳嫲嫲獎」,或者奪六合彩大獎都唔錯。李博士再預言虎年疫情會減退,國泰民安,大家生活會回復正軌,當然防疫唔可以鬆懈。
 
家燕嫲嫲呻冇見孫仔一星期。
家燕嫲嫲呻冇見孫仔一星期。

 
李博士預測家燕姐再抱兔孫。
李博士預測家燕姐再抱兔孫。

 
家燕姐孫仔8個月大,愈大愈可愛。
家燕姐孫仔8個月大,愈大愈可愛。

立即下載 | 全新《星島頭條》APP : https://bit.ly/3yLrgYZ

其他文章
hd