首頁 即時娛樂

七仙羽孖麥玲玲合作拍廣告 互送高帽證一山可以藏二虎

22/01/2022 01:30:00


兩大人氣玄學家七仙羽(七師傅)及麥玲玲近日獲品牌邀請,首次合作拍廣告,之前外界將二人屢作比較,又指七師傅近月人氣急升;搶去麥玲玲不少風頭,不過麥玲玲卻指沒有視七師傅是敵人,大家同行,她一直希望有機會可以,結果今次合作,兩人的確擦出不少火花。而七師傅也表示很開心跟麥玲玲合作,她謂:「我永遠視同行如朋友,應該互相扶持互相合作,我亦唔怕人哋攞嚟比較,最好一齊拍廣告齊齊搵錢,正所謂水為財,就是win win。」

 

七師傅(左)和麥玲玲被外界比較,但兩人卻冇所謂。
七師傅(左)和麥玲玲被外界比較,但兩人卻冇所謂。

 

 
七師傅指有錢大家齊齊搵,雙贏局面。
七師傅指有錢大家齊齊搵,雙贏局面。

 

麥玲玲師傅亦十分贊同七師傅說法,笑言指外界經常指「一山不能藏二虎」,她聲稱要打破這個傳統。而麥玲玲亦表示知道七師傅最近人氣勁:「七師傅搵好多,睇報紙拍4、50個廣告,真的豬籠入水。」至於許多人指七師傅很搞笑,麥玲玲亦大為贊同:「有啲人話七師傅有啲無厘頭,其實佢真係大智慧,佢為大家帶嚟歡笑娛樂,都係一種功德,尤其喺呢個時候大家都需要正能量嘅歡樂。」

 
麥玲玲亦大讚七師傅人氣勁,不停接廣告。
麥玲玲亦大讚七師傅人氣勁,不停接廣告。

 
兩人雖是首次合作,但卻十分合拍。
兩人雖是首次合作,但卻十分合拍。

 

立即下載 | 全新《星島頭條》APP : https://bit.ly/3yLrgYZ 

其他文章
hd