首頁 即時娛樂

陳蕊蕊拍片為餐飲業打氣 自爆開Café慘蝕數十萬

23/01/2022 15:30:00


陳蕊蕊日前拍攝網片,走訪各大餐廳探討食店現況,乘機向負責人「偷師」營商之道:「我之前開過Café,今次真係要嚟偷師,因為之前做過咁多生意都係蝕錢,最勁嘅一次幾十萬左右,不過做生意算少㗎啦!」

近日疫情嚴重,蕊蕊坦言會小心個人衛生,停機後即戴口罩:「平時就唔會去多人嘅地方,我自己就打齊針㗎啦,而且幕後同事都會戴晒口罩,所以都唔太擔心。今日去到餐廳都知道情況幾嚴峻,因為冇晚市對大家打擊都好大,我只係小人物當然幫唔到啲咩,希望可以幫手打打氣,介紹吓啲隱世美食,到疫情過後大家去瘋狂幫襯!」

新春在即,她無懼拜年被親友「催婚」:「我屋企人其實好少問呢啲問題嘅,父母都明白我做呢行,唔會去到過年先問我呢啲嘢,平時都會旁敲側擊關心我嘅感情狀況。」

陳蕊蕊走訪各大餐廳探討食店現況,乘機向負責人「偷師」。
陳蕊蕊走訪各大餐廳探討食店現況,乘機向負責人「偷師」。

 
蕊蕊唔擔心拜年被親友催婚。
蕊蕊唔擔心拜年被親友催婚。

 

立即下載 | 全新《星島頭條》APP : https://bit.ly/3yLrgYZ 

其他文章
hd