首頁 即時娛樂

姜濤KOL「契姐」雪姨比較盆菜片被批 市集爆退租潮

23/01/2022 18:00:00


姜濤之前稱早於初出道就認識富貴KOL雪姨(容可兒),二人感情好到姊弟咁,只差未上契咋!「契姐」雪姨近日自製公關災難唔知好細佬有冇關心吓對方呢?星期四晚(20日)出咗條YouTube片,將酒店推出的盆菜與一間茶餐廳推出的盆菜作比較,片中勁踩茶餐廳盆菜的食物質素就惹來網民狠批,指雪姨為幫酒店盆菜賣廣告,踩到平民版盆菜一文不值。最終雪姨都刪片謝罪,並於IG出Po向該茶餐廳道歉:「我們已經即時果斷地將影片下架,並作出內部檢討,今次的事件正正為我及團隊上了一課。」

 

姜濤同雪姨情同姊弟。
姜濤同雪姨情同姊弟。

 
雪姨用酒店同茶餐廳作比較,狂踩茶餐廳盆菜難食。
雪姨用酒店同茶餐廳作比較,狂踩茶餐廳盆菜難食。

 
雪姨出Po道歉。
雪姨出Po道歉。

 

不過做過嘅嘢又豈會因為刪片,就令網民即時忘記呢!自製公關災難更波及自己啲生意。由雪姨有份主辦嘅新年市集傳出受事件影響,而引發退租潮。市集其實於星期五(21日)先開始賣嘢,而有份喺市集賣嘢嘅UFO達人卓飛,今日在facebook爆粗稱已經決定不再喺該市集擺檔,又以「臭X」及「八婆」形容雪姨,話要即刻返市集執嘢添呀! 

 
雪姨被稱為富貴KOL。
雪姨被稱為富貴KOL。

 
出片被批評,連帶雪姨做搞手的新年市集都爆退租潮。
出片被批評,連帶雪姨做搞手的新年市集都爆退租潮。

 
UFO達人卓飛(左一)都有喺雪姨個市集開檔,佢已經話唔會再喺呢個市集擺檔。
UFO達人卓飛(左一)都有喺雪姨個市集開檔,佢已經話唔會再喺呢個市集擺檔。

 
卓飛
卓飛

 
卓飛爆晒粗,佢真係好嬲呀!
卓飛爆晒粗,佢真係好嬲呀!

 
邵子風都留言批評。
邵子風都留言批評。

 
個市集嘅官方FB都被網民留言鬧爆。
個市集嘅官方FB都被網民留言鬧爆。

 

立即下載 | 全新《星島頭條》APP :https://bit.ly/3yLrgYZ

其他文章
hd