首頁 即時娛樂

陶大宇願打折頭回巢拍《愛回家》 大小姐讚親和力足以倒轉地球

24/01/2022 15:30:00


陶大宇早前在內地憑翻唱《倒轉地球》再度人氣急升,最近大宇終於回港。昨晚(23日)《東張西望》播出大宇的訪問,由於在將軍澳電視城拍攝,期間唐詩詠突入,二人久別重逢,立即興奮相擁兼影合照,又提到原來二人早於17年前曾合作劇集《心花放》並飾演兩兄妹,詩詠更一度眼濕濕。

其後「大小姐」林淑敏和「送水輝」許家傑再以大宇的招牌台風「水撥式揮手」大唱《倒轉地球》走入鏡,林淑敏大讚大宇零架子,當年合作也很樂意跟新人聊天,分享演戲經驗。大宇表示有看二人在《愛‧回家》的演出,許家傑趁機力邀大宇客串,大宇即答應:「咦﹗好喎,睇下乜嘢角色,但係我要畀你(林淑敏)鬧。」林淑敏笑指:「你依家收得咁貴?」大宇表示:「打個折啦﹗」他更祝《愛‧回家》可以播超過1萬集。

 

唐詩詠見到大宇忍唔住眼濕濕。
唐詩詠見到大宇忍唔住眼濕濕。

 
真係超興奮。
真係超興奮。

 
原來大宇同詩詠曾經演過兄妹。
原來大宇同詩詠曾經演過兄妹。

 
「大小姐」林淑敏話當年大宇對新人好好。
「大小姐」林淑敏話當年大宇對新人好好。

 
拍劇時一啲架子都冇,仲好樂意同新人分享演戲心得。
拍劇時一啲架子都冇,仲好樂意同新人分享演戲心得。

 
大小姐同送水輝一齊跳唱大宇嘅《倒轉地球》。
大小姐同送水輝一齊跳唱大宇嘅《倒轉地球》。

 

昨晚林淑敏和許家傑分別在社交網貼上跟陶大宇合照,林淑敏寫道:「大宇哥嘅親和力足以倒轉地球!希望下次唔係影相,係合作拍劇...咁就好啦!」許家傑則表示:「嗰日喺公司突然聽到一把好熟悉嘅聲音,原來就係倒轉地球大宇哥,第一次見到佢嘅感覺,豪邁,有容乃大,學識豁達面對,得到的更多,真係好想可以同佢拍嘢,我好鍾意睇大時代。」不少網民留言表示期待,更謂:「倒轉龍家」、「想睇大宇哥俾大小姐篤魂精」等,相當搞笑。

 
大宇話可以打個折,返TVB拍《愛回家》。
大宇話可以打個折,返TVB拍《愛回家》。

 
網民好期待大宇畀大小姐「篤魂精」,十分搞笑。
網民好期待大宇畀大小姐「篤魂精」,十分搞笑。

 

立即下載 | 全新《星島頭條》APP : https://bit.ly/3yLrgYZ 

其他文章
hd