首頁 即時娛樂

吳君如認邀請飾Edan媽咪難開口 梁詠琪自覺有使命感即晚答允

24/01/2022 22:30:00


吳君如、梁詠琪(Gigi)及鄭中基(Ronald)日前接受香港開電視的專訪,暢談拍攝賀歲片《闔家辣》點滴。君如用三個詞語形容:「開心、愉快、熱辣辣。5、6年冇拍賀歲片,所以嗰時都好期待。」Gigi也說:「呢段時間想帶歡樂畀香港人,一拍賀歲片就有種使命感。」兼任監製的君如,被問到為何找Ronald和Gigi演出,她說:「首先Ronald係好出色嘅喜劇演員,我同佢拍過好多戲,同佢好有默契,睇完劇本覺得好啱佢做。Gigi都拍咗唔少誇張嘅喜劇,而佢又做咗媽咪,戲中角色都係個媽咪,而佢仲係好有自然美。」不過君如坦言考慮很久要否找Gigi演出此角。

 

君如和Ronld及Gigi(右)接受開電視訪問。
君如和Ronld及Gigi(右)接受開電視訪問。

 
三人也希望透過電影帶歡樂給香港人。
三人也希望透過電影帶歡樂給香港人。

 

Gigi說君如約她出來時起初沒說原因:「出嚟見時君如話今次你要演媽咪,個仔仲要20幾歲。因為君如本身係演員,所以知道向我提出呢件事一個關口,我好感謝佢咁尊重演員呢方面嘅想法。」君如聞言則笑說:「我約你出嚟就係要你冇得走,我用雙眼打動Gigi,我話只係我哋兩個出嚟傾,唔好帶經理人,我只係怕經理人會喺旁邊發表意見,我想你自己一個人睇劇本去考慮。」最後Gigi續說坦言演媽咪角色此關口根本是小事,因此當晚看完劇本已立即回覆接拍,君如笑說:「邊有人睇劇本咁快,俾我呢啲大明星要睇一個月。」Ronald即笑君如:「你睇得慢啫,同埋近視。」

 
戲中的一家三口。
戲中的一家三口。

 
君如除了演出姑媽一角,也是電影監製。
君如除了演出姑媽一角,也是電影監製。

 

立即下載 | 全新《星島頭條》APP : https://bit.ly/3yLrgYZ  

其他文章
hd