首頁 即時娛樂

黃子華Do姐合體重現《男親女愛》CP 投資拍戲蝕錢呻笨專心做演員

25/01/2022 19:30:00


鄭裕玲(Do姐)和黃子華當年因劇集《男親女愛》而成為經典劇集情侶,繼3年前兩人在鄭詩君(C君)婚禮重遇後,近日子華神為賀歲片《飯戲攻心》宣傳,與導演陳詠燊(Sunny)一同接受Do姐主持的電台節目《口水多過浪花》訪問,兩人自拍劇以來,22年後「余樂天」和「Miss Mo」再重聚,令人勾起不少回憶。

Do姐問子華為何今次只參與演出;沒有投資做老闆,他苦笑謂:「上次自己做老闆嘅《乜代宗師》雖然票房過三千萬,但部戲拍得好貴,蝕咗好多錢,發覺自己做老闆真係搵笨,所以今次都係做返演員好啲。」Do姐踢爆當年與子華拍劇時,他不時大量改劇本對白,Do姐算舊賬妙問他今時今日有否仍繼續這習慣?子華妙答:「我今次以舞台劇演員心態去演呢部戲,所有收到嘅劇本我都當係莎士比亞的劇本,試問你又點會去改沙翁嘅劇本呢?」
 

黃子華和陳詠燊(右)一同接受Do姐訪問宣傳新戲。
黃子華和陳詠燊(右)一同接受Do姐訪問宣傳新戲。

 
三人言談甚歡,子華多次被Do姐追問。
三人言談甚歡,子華多次被Do姐追問。

 

子華透露沒戲開的日子會保健身體,閒時睇醫生調理身子、多做運動,有次看醫生還遇到Do姐另一好拍檔周潤發。提到發哥,Do姐問子華可有跟發哥跑步,他坦言發哥起身做運動的時間,自己才開始作息,不過那次在醫館撞到發哥,子華覺得不可思議的說:「發哥又真係好熱心教我跑步,仲要喺人來人往嘅電梯大堂,講足十分鐘,好有心,毫無架子。」Do姐順勢託子華下次撞到發哥幫她帶句話,邀請發哥上她的節目,子華對Do姐的要求承諾無問題,但卻不知下次幾時會撞到發哥!

 
當年Do姐和子華的歡喜冤家真係深入民心。
當年Do姐和子華的歡喜冤家真係深入民心。

 
Do姐和子華亦因此劇而傳出緋聞。
Do姐和子華亦因此劇而傳出緋聞。

 
發哥近年經常跑步及行山,努力保養健康。
發哥近年經常跑步及行山,努力保養健康。

 

立即下載 | 全新《星島頭條》APP : https://bit.ly/3yLrgYZ  

其他文章
hd