首頁 即時娛樂

答案最終章丨姜濤自覺跌入人生低谷 重返母校面對極自卑的自己

26/01/2022 12:30:00


MIRROR人氣王姜濤的最後一集紀錄片《答案 最終章》昨晚(25日)上架,片中他重返母校,成長的過程令他變得好自卑;站在頒獎禮台上,即使在世人眼中已攀到人生高峰,但在姜濤心目中原來「跌得好低」。

姜濤自言初入行已經跟花姐講想改一個名,因為對自己的名字沒有信心,拍片當日他說:「我今個月30號已經22歲,但啲人仲嗌姜B就真係唔係幾好,其實姜濤呢個名都唔係太鍾意,但可惜已經定咗型。」《全民造星》冠軍光環,姜濤深信頭一兩年還有,漸漸就會消失,在叱咤奪「最喜愛男歌手」似乎令他更迷失:「可能人哋睇我係好高峯嘅位置,但其實我真係跌得好低,可能你睇嘅嘢真係相反,可能你睇到嗰個人(表面)同嗰個人真心諗嘅嘢係完全相反。所以千祈唔好太容易定義一個人,冇人定義到。」

 

在世人眼中攀到人生高峰,但在姜濤心目中原來「跌得好低」。
在世人眼中攀到人生高峰,但在姜濤心目中原來「跌得好低」。

 
姜濤第一次表演的學校舞台。
姜濤第一次表演的學校舞台。

 
姜濤的舊照好青澀。
姜濤的舊照好青澀。

 
姜濤現在覺得行商場已經是好奢侈。
姜濤現在覺得行商場已經是好奢侈。

 

之後姜濤重返以前就讀過的青年學院(邱子文),在校內跟師生合照,又去到第一次表演的學校禮堂的小舞台,重溫姜濤當年表演時的青澀樣,好多回憶番晒嚟。但離開校院一刻,姜濤亦很感觸:「呢間學校係帶畀我最嚴重自卑嘅地方,我所有嘅自卑所有嘅童年唔自信,都係來自呢間學校。我唔係話呢間學校唔好,純粹係我喺呢間學校經歷嘅所有嘢都係……喺呢度愈自卑愈唔懂事,大個先至愈嚟愈變得懂事。」他還指當時太肥,每次上游水課都只會站在泳池邊,不敢除衫;每日跑步,望住其他同學亦會覺得好自卑。「只可以講,自己可以再open啲,因為我一直冇乜講太多自己嘅嘢畀大家聽,我只會講喺呢個團隊所經歷嘅嘢,但唔會講太多過往嘅嘢。」

還原基本步,開心原來好簡單,紀錄片中姜濤還去搭港鐵、行時代廣場,在自己在大型廣告牌前打卡,及看波鞋,他笑言:「行商場喎,幾咁奢侈嘅事呀!」姜濤透過音樂,誠實面對自己的問題,「諗方法令自己堅強啲,承認自己有唔好嘅聲音喺內心處,搵方法同佢一齊行。個答案其實都知係乜嘢,但真正要做到係需要時間。」笑言希望《鏡中鏡》是一服藥,聽完一次便可找到答案,不用再聽。

 
搭港鐵好驚被發現。
搭港鐵好驚被發現。

 
姜濤透過音樂,誠實面對自己的問題。
姜濤透過音樂,誠實面對自己的問題。

 

立即下載 | 全新《星島頭條》APP : https://bit.ly/3yLrgYZ


其他文章
hd