首頁 即時娛樂

炎明熹感性千字文慨嘆時間可貴 《青春本我》紀念冊公開萌爆童年照

26/01/2022 14:00:00


由炎明熹(Gigi)、姚焯菲、冼靖峰、文凱婷(Aeren)等主演的TVB青春劇《青春本我》日前推出同名紀念冊,更引發搶購潮,不少網民都表示「周圍都買唔到」,據知為了滿足一眾劇迷,劇組現正趕印第二版。紀念冊內除有大量靚靚劇照,還印製了專誠為劇集創作的歌曲的相關歌詞,當中最有心思的,是一眾演員的「心底話」,配以生活照、真學生Look及可愛到爆的童年照,內容既豐富又感人。

外表看似酷爆的Gigi,原來感情非常豐富,親筆寫下千字文表達對整個拍攝團隊的不捨:「前陣子不斷拍的時候雖然十分疲倦,但有種說不出的心情(是良好的、正面的)神神奇奇又百感交集。之前拍攝時會經常見到導演、拍檔及工作人員們,但是拍的東西開始越來越少,見他們的日子也開始逐漸減少,我便有種想念他們的感覺(但可能他們不想見我,哈哈~)」在追逐夢想的旅途上,讓Gigi明白時間的重要性,因為現在已找到自己的目標,笑言:「時間就像怎麼也不夠用一樣。」

 

 《青春本我》紀念冊推出咗,並趕印第二版。
《青春本我》紀念冊推出咗,並趕印第二版。

 
裏面有好多靚靚劇照。
裏面有好多靚靚劇照。

 
仲有歌詞。
仲有歌詞。

 
炎明熹除咗有搞笑面,亦有感性面。
炎明熹除咗有搞笑面,亦有感性面。

 
姚焯菲呢個眼鏡Look,唔錯喎。
姚焯菲呢個眼鏡Look,唔錯喎。

 
鍾柔美學生相好靚女。
鍾柔美學生相好靚女。

 
潘靜文成長Look逐格睇。
潘靜文成長Look逐格睇。

 
仲鳴謝埋一班幕後工作人員。
仲鳴謝埋一班幕後工作人員。

 

而文凱婷(Aeren)收到紀念冊後即在社交網上載開箱片,順道分享拍攝時的趣事。Aeren自爆是陰差陽錯下為《青春本我》主題曲填詞:「有一日大家約埋圍讀劇本,完咗之後見到Rock(何晉樂)同埋Archie(冼靖峰)喺另一間房開會,跟住我八卦問吓經理人,原來佢哋係開緊寫歌Meeting,之後就叫埋我一齊開會,誤打誤撞咁就加入咗呢個幕後創作團隊!」Aeren又透露一班演員有討論過《青春本我》會否開拍續集的話題:「有人會諗係拍大學版,但我自己就想拍職場版。因為我中學同大學生活都係好摺嘅,好似冇乜好大差別。」更忽然語重心長謂:「但如果職場版就冇得叫《青春本我》,因為去到職場就冇咗本我,好Sad!」

 
Aeren收到紀念冊後即時拍開箱片。
Aeren收到紀念冊後即時拍開箱片。

 
《青春本我》劇照。
《青春本我》劇照。

 

立即下載 | 全新《星島頭條》APP : https://bit.ly/3yLrgYZ

其他文章
hd