首頁 即時娛樂

蔣怡用鮮嫩法國小牛扒做韓燒 怕仔女屋企視像上堂會好悶

26/01/2022 23:30:00


蔣怡近日好忙,其中她為香港開電視拍攝賀年節目,又要經營自己嘅小食品牌,同埋最重要係睇住對仔女喺屋企用Zoom上堂。

 

蔣怡同近期紅爆的陶大宇做節目。
蔣怡同近期紅爆的陶大宇做節目。

 

呢位喺倫敦修讀藍帶廚藝學校,並以最高榮譽畢業嘅「藍帶廚模」叫晒救命,因為8歲大女翁容及3歲細仔翁羽要留喺屋企視像上堂,「雖然有工人姐姐幫手,但佢哋都會阻住我工作,我要照顧一家人嘅三餐,又要幫囡囡對功課,我而家好怕星期五,因為老師會傳晒一星期嘅答案過嚟,有時都會問個女可唔可以自己對答案,我好想去happy hour。」最後蔣怡仲話今年會研發不同口味的XO醬,但而家日日喺屋企,「小朋友又煩,人都癲,個腦快爆炸。」相信好多家長都有同感。

 
蔣怡同翁狄森於13年結婚,婚後育有一仔一女。
蔣怡同翁狄森於13年結婚,婚後育有一仔一女。

 
蔣怡自家製嘅腸粉。
蔣怡自家製嘅腸粉。

 
因為仔女一句想食點心,蔣怡一早起身預備,搞足半日一功告成。
因為仔女一句想食點心,蔣怡一早起身預備,搞足半日一功告成。

 

講就咁講,但蔣怡不知幾鍾意○氹仔女,見仔女喺屋企返學咁悶,夜晚整啲好嘢畀佢哋食,就係以鮮嫩手切法國小牛扒做「韓燒」,見到成枱都係食物,有個識煮嘢食嘅阿媽真開心,同埋個廳咁大,喺屋企讀書都唔怕局促啦。

 
睇吓對仔女幾滿足。
睇吓對仔女幾滿足。

 
好靚嘅法式小牛扒。
好靚嘅法式小牛扒。

 
好似聞到香味。
好似聞到香味。

 

立即下載 | 全新《星島頭條》APP : https://bit.ly/3yLrgYZ

其他文章
hd