首頁 即時娛樂

梁詠琪與Edan演母子勁冧 君如女收百元利是客串一秒鏡頭

27/01/2022 00:30:00


吳君如監製兼自演賀歲電影《闔家辣》,以搞笑形式帶出香港疫情下真實家庭故事,找來好友鄭中基及首邀梁詠琪(Gigi)合作,還有影壇新貴呂爵安(Edan)參演。戲中Gigi與Edan演母子,突然成為廿幾歲仔之母,她說:「君如驚我過唔到呢個關口,所以親自出嚟畀劇本我,等我冇得推,唔係君如提我都冇諗,其實計吓數生得出。」君如指從未見過演員如些爽快答應,又欣賞Gigi夠自然美。

文:卓寶花  攝:鄧國良、錢文坤

 

Edan同Gigi演母子,起初君如都擔心Gigi會接受唔到。
Edan同Gigi演母子,起初君如都擔心Gigi會接受唔到。

 

Gigi今次角色既是媽媽又是一家之主,有個廢老公,夫妻相處經常拗撬,相反現實中各自對另一半都很溫柔,而君如則屬現實版一家之主,她笑言:「由細到大我都問阿女,屋企邊個係Boss?佢指住我話You。我唔使做一家之主,但有啲嘢自自然然就要決定,每個人諗法唔同,價值觀唔同,好多事始終要做決定,我就做咗呢個位,因為我係媽媽。」戲中君如飾演隨和大姑奶,不乏接受檢疫及進入隔離營場面,寫實貼地。

 
Gigi話聽到Edan叫佢做媽媽都好冧!
Gigi話聽到Edan叫佢做媽媽都好冧!

 
君如現實中都係一家之主。
君如現實中都係一家之主。

 

幾位前輩首次和Edan合作讚不絕口,投入得似一家人,Gigi說:「Edan一遠處就叫媽咪,好冧!我諗全香港媽咪都好想Edan嗌佢媽咪,啲fans都話好想做佢媽咪。」劇組最緊張Edan一場喊戲,君如知道他在MIRROR 12子中,覺得Edan很理性,做演員會蝕底,應該要投入忘我,還大爆:「試鏡時佢想推,就係話有場戲要喊,佢驚喊唔到好大壓力,最後都成功發揮,肯定勁過其餘11個,我哋過晒啲武功俾佢。」並激讚Edan為人真誠,有自信又謙虛。

 
君如話Edan個人好真誠。
君如話Edan個人好真誠。

 
君如喺片場教Edan拍喊戲。
君如喺片場教Edan拍喊戲。

 

君如透露囡囡開始鍾意演戲、跳舞、唱歌,特意安排她客串1秒鏡頭做Reception,給了100元利是女兒,她明白家庭環境耳濡目染,不會阻止女兒入行。鄭中基一對子女不會追星,孻仔盡得爸爸幽默搞笑基因。

 
君如女兒陳是知都有客串一秒鏡頭。
君如女兒陳是知都有客串一秒鏡頭。

 
鄭中基話細仔有佢咁幽默。
鄭中基話細仔有佢咁幽默。

 

立即下載 | 全新《星島頭條》APP :https://bit.ly/3yLrgYZ

其他文章
hd