首頁 即時娛樂

俄仔Ansheles轉妖艷Look出碟做歌手 嫌以前冇靈魂豁出去做自己

27/01/2022 09:00:00


2017年,俄羅斯型男Artem Ansheles憑住一口流利廣東話拍攝的《請阿媽飲涼茶》一片而爆紅,然後吸引ViuTV搵佢拍劇同做節目,不過18年拍畢好受歡迎的《返歸啦俄仔》後就冇再為ViuTV做主持,只曾於20年客串《地產仔》。

17年拍攝的《請阿媽飲涼茶》短片。
17年拍攝的《請阿媽飲涼茶》短片。
18年的《返歸啦俄仔》。
18年的《返歸啦俄仔》。
18年的劇集《迷失假期》。
18年的劇集《迷失假期》。

其實自從打入香港市場後,俄仔Ansheles的工作以代言廣告為主,亦成立自家潮牌EARON,19年曾經推出首支廣東歌《麻麻哋Day》,原來俄仔內心深處最想做歌手,去年10月已推出英文單曲《Bunny》,12月再推另一英文單曲《Ignite》,兩首歌嘅MV已推出,曲詞加Styling由俄仔一手包辦。



 

現年27歲的俄仔將於2月2日年初二推出首張專輯《I’m Shell-less》,佢出PO表示,「好多人可以唔使自己寫歌唔使自己做埋visual,但我接受唔到。過去一年我每一日都埋頭苦幹創作關於呢張專輯嘅一切一切,希望可以造出令自己自豪的作品。由寫歌、音樂製作到專輯嘅一切視覺設計,呢張專輯完完全全反映咗我嘅理想與能力。我唔想成為一個平凡的,大衆化的藝人。所以我選擇獨立做呢張專輯。我認為藝術唔係在於你擺幾多錢落去,或者你從中賺到幾多錢。新世代嘅創作有新世代嘅方法,沉悶必須要被打破,久違嘅藝術娛樂應該要喺香港開花。我希望自己能獨立地做自己,讓大家重新看見不一樣嘅我。」

 
俄仔嘅首張專輯《I’m Shell-less》。
俄仔嘅首張專輯《I’m Shell-less》。

俄仔口中嘅不一樣包括形象,佢為咗重生,IG同YouTube都Delete晒舊片同舊相,IG嘅PO換嚟如JOJO Cosplay的妖艷新Look,不過佢嘅FB仲有Keep舊相。另外,佢又出咗段10分21秒,全英語嘅自問自答片去解構自己嘅轉變,當中透露自己嘅妖艷新Look其實係真正嘅自己,留意片尾,由製作訪問到美術等全部由俄仔包辦。
好有JoJo Cosplay Feel。
好有JoJo Cosplay Feel。
其實啲相幾靚。
其實啲相幾靚。
俄仔選擇豁出去做自己。
俄仔選擇豁出去做自己。
玩自問自答解構形象突變及點解出碟。
玩自問自答解構形象突變及點解出碟。
自問自答片由製作到美術都由自己一手包辦。
自問自答片由製作到美術都由自己一手包辦。

問:點解突然唔做主持而嘗試做音樂?
答:唔突然,諗咗好耐,疫情令我反思自己嘅人生,唔滿意之前所做嘅一切,因為完全代表唔到自己,覺得冇靈魂,我有事好想分享,最簡單就係透過音樂表達,透過音樂可以完全展示真正嘅自己,以我想要嘅方式做自己。

問:你嘅風格及形象同以前好唔同。
答:呢個係我一直以嚟嘅樣,但我從來冇機會真正表達過,所以實際上冇改變,只係開始做自己,做我想做嘅事,其實內裡無變過。以前拍攝都會安排好晒我要着咩講咩做咩,而家我可以展現我想展現嘅嘢,講我想講嘅,做我想做嘅,成為我想成為嘅人,我就係想着成咁,其實無乜嘢大改變。
17年好陽光。
17年好陽光。
20年已經開始展露本質。
20年已經開始展露本質。
21年愈嚟愈妖。
21年愈嚟愈妖。

問:製作一張專輯是一件非常複雜,艱難及昂貴的過程,為甚麼不選擇簽唱片公司而自己做?
答:首先好不幸嘅係冇唱片公司搵我,希望即將會發生,不過當你收取公司的資金去做音樂就會有一個責任,正如我提到,我想做自己,做我想做嘅事,作為一間音樂公司旗下歌手一定有限制。

問:你冇受過正規音樂教育及背景,但去做一張大型音樂專輯會唔會好困難?
答:呢個係一場惡夢,因為之前冇做過專輯,只出咗幾首單曲,唔可以同呢次比較,今次好多嘢都好陌生,咩係混音同mastering?以為自己可應付,發現好多嘢我唔識要去學習。但我唔可以從樂理開始學習,我實在冇呢種耐性,我盡我最大努力學習基本知識,學習一啲程序以便能夠作曲。首先製作咗我第一個DEMO,我至少可以同監製溝通,我想要咩方向,呢個過程中學習到好多嘢,好多嘢結合先可以成為一首歌。

問:MV入面嘅道具同服裝都係自己整,點解選擇自己做?
答:為拍《Ignite》呢首歌,着咗閃亮網狀水晶上衣,我買咗一塊布料,想用嚟做西裝,問裁縫做唔做到,對方一口拒絕話做唔到,我當時唔明點解做唔到,明明咁容易,所以就自己做。例如專輯封面嗰個貝殼,自己做嘅大貝殼,諗唔到有第二個人可以幫到我,所以我去嘗試,盡最大努力做,以確保絕對完美,最後做咗兩個月嘅貝殼掉咗去垃圾桶,而為拍MV做嗰件水晶衫,拍嘅時候已經爛咗。
自製水晶衫拍攝時已整爛。
自製水晶衫拍攝時已整爛。
巨型貝殼已掉。
巨型貝殼已掉。

問:你嘅靈感係咩,有咩啟發你?
答:最大嘅靈感係缺乏資源,我覺得某些事情上受到限制,我就會開始用創造性嘅方法去解決問題,對每個音樂人,製作歌曲的過程都是不同的。

問:音樂界有啲事讓你困擾?
答:現在有好多歌手,被打造成一件產品,對我嚟講藝人一定要有某種信念,有嘢要分享,我覺得有人為你寫同製作歌曲, 歌者基本上係一件樂器,有人演奏緊你,而你就發聲。

問:呢張專輯對你有咩意義?
答:解放,終於有機會表達自己,好多被封存嘅情緒及想法都表達到出嚟。

問:你希望專輯為其他人帶嚟乜嘢?
答:能激勵人成為真正嘅自己,希望佢哋搵到勇氣,做佢哋想做嘅自己,大聲講出嚟,唔好驚,只要明白生活好短暫,你必須做你想做嘅事。

 



 

 

 


立即下載 | 全新《星島頭條》APP : https://bit.ly/3yLrgYZ

其他文章
hd