首頁 即時娛樂

頭條獨家丨陳漢娜更放膽表達自己 拍《香港秘密搜查官》打開心扉

28/01/2022 22:30:00


陳漢娜(Hanna)向來給人cool cool哋感覺,最近在劇集《IT狗》搞笑一樣掂,Hanna話其實跟角色一樣外冷內熱,加上今次拍檔好合拍,好容易擦出火花。這次訪問發現她明顯變得健談,她承認全靠去年首度挑戰綜藝節目《香港秘密搜查官》後,令她打開了心扉,更加放膽表達自己。採訪杜 攝影:沈健程

不過,這天見Hanna明顯變得更健談開朗。
不過,這天見Hanna明顯變得更健談開朗。
現在的Hanna會更放膽去表達自己。
現在的Hanna會更放膽去表達自己。

以往較少演喜劇的Hanna,今次演《IT狗》未有太大壓力,因劇情及角色並非要刻意搞笑,反而跟一班演員當正劇一樣演繹,會更有喜感。而她認為角色特質跟自己相似也有很大幫助,「因為角色又係嗰啲平時cool cool哋,睇落去對好多嘢都好冷淡,可能導演覺得呢個特質係有啲似我。」

 
Hanna在《IT狗》演的「蒙玲」會突然激動,所以特別好玩。
Hanna在《IT狗》演的「蒙玲」會突然激動,所以特別好玩。
劇中Hanna跟凌文龍有不少對手戲。
劇中Hanna跟凌文龍有不少對手戲。

岑珈其最煩

Hanna本身跟凌文龍和岑珈其都認識,所以合作起來更好玩,而對於凌文龍和岑珈其接受《頭條》訪問時互指對方好煩,她就認為,「最煩應該係珈其,因為佢個角色好煩,佢又用佢嗰啲特質放落去,仲煩,我哋一齊拍戲好開心,因為大家有好多群戲。而珈其會成日喺個end位度加戲畀自己,哈哈!會成日話不如我試吓講多句呢個,明明劇本冇呢句嘢,我哋成日話佢又加戲,但係大家好開心,而小龍嗰啲煩係對住珈其先煩,對住我好好嘅。」

 
Hanna跟小龍幾年前已認識,今次終於有機會合作。
Hanna跟小龍幾年前已認識,今次終於有機會合作。

 
Hanna跟《IT狗》台前幕後都合作得好開心。
Hanna跟《IT狗》台前幕後都合作得好開心。

講到去年首次拍綜藝《香港秘密搜查官》,Hanna坦言估不到Mike導會搵她,「我又唔係做開綜藝,一睇個樣就知我好悶唔啱佢哋節目,我又唔覺得帶到歡樂畀人,好奇怪點解會搵我,但係我都有少少期待,好想了解吓呢個節目係做啲咩,但有時去到拍嗰日先知道拍啲咩,初頭其實好驚,但拍耐咗無形中多咗信任。」見Hanna變得健談,她承認跟節目有關,「我開頭拍節目好尷尬,因係真人騷,每刻都係拍緊嘢,所有時間佢哋都會攞住部機問你嘢,你要不斷講好多自己感受,變咗同佢哋咁樣玩完,個人都open咗,我對住朋友都多嘢講,但係會慢熱,我有時做嘢見到陌生人,係會難啲去表達自己。」
Hanna到現在也不明Mike導會點解搵她做「搜查官」。
Hanna到現在也不明Mike導會點解搵她做「搜查官」。
拍《香港秘密搜查官》挑戰了Hanna很多底線,特別是要她攀石。
拍《香港秘密搜查官》挑戰了Hanna很多底線,特別是要她攀石。

立即下載 | 全新《星島頭條》APP :https://bit.ly/3yLrgYZ

其他文章
hd