首頁 即時娛樂

頭條獨家丨經理人林寶玉:我哋冇拎阿儀嚟玩 難忘薛影儀喊住求救

16/05/2022 01:30:00


林寶玉(Connie)由亞姐轉職為「亞視一姐」薛影儀的經理人,兩人合作一年已超越家人關係。對於網民認為亞視明知阿儀講嘢唔叻,外型又特別,夾硬推佢出嚟畀人笑,Connie對此完全唔認同,強調外間認定亞視玩阿儀係有誤解:「疫情前阿儀每個月有5位數字人工,我哋(亞視)冇拎阿儀嚟玩,就算佢屋企有事都有提供現金援助。」採訪:方騫平 攝影:沈健程

 

Connie唔介意性感,有樣有身材嘅佢好有潛質出寫真。
Connie唔介意性感,有樣有身材嘅佢好有潛質出寫真。

 
Connie陪阿儀上庭,又陪佢開記招兼一齊鞠躬道歉。
Connie陪阿儀上庭,又陪佢開記招兼一齊鞠躬道歉。

 

擁有32C-24-35 fit爆身材嘅Connie,被封為「索爆經理人」,網民喺討論區開Post「薛影儀嘅經理人林寶玉正到癲好吸引」,Connie笑言,「當日着住條黑色緊身褲陪阿儀出庭,搞到網民錯重點啫!」

 
Connie有「翻版陳法拉」之稱,佢話會分清身份,做幕前就一定要靚。
Connie有「翻版陳法拉」之稱,佢話會分清身份,做幕前就一定要靚。

 
當日林寶玉着住條黑色緊身褲陪阿儀出庭,搞到網民錯重點!
當日林寶玉着住條黑色緊身褲陪阿儀出庭,搞到網民錯重點!

 
Connie要挑戰自己,無論幕前幕後樣樣都想試。
Connie要挑戰自己,無論幕前幕後樣樣都想試。

 

阿儀嚇親喊驚

Connie係2020年亞姐「網絡人氣獎」得主,去年開始被賞識轉做經理人變咗雙重身份,阿儀更成為她上任後第一個藝人:「我對佢百份百付出,最難忘佢喺羈留室(起飛腳踢人事件),只可以見一個人,佢竟然揀咗搵我,平日阿儀冇乜表情,但嗰次見佢好無助,然後喊住同我講:『我驚呀!』我知佢點樣大膽但今次真係驚,嗰刻好想攬住安撫佢。」Connie坦言阿儀喊住求救一幕令佢畢生難忘,「原來佢好信任我,我比佢家人更親近。」

 
濕身相好誘人,令人想入非非。
濕身相好誘人,令人想入非非。

 
兩年前,Connie選亞姐時奪「網絡人氣獎」。
兩年前,Connie選亞姐時奪「網絡人氣獎」。

 
阿儀去年著泳衣參選亞姐時,Connie有份做評判。
阿儀去年著泳衣參選亞姐時,Connie有份做評判。

 

阿儀心靈導師

Connie除咗安排工作仲做埋阿儀心靈導師:「阿儀一夜成名,但佢從未接觸過呢行係有啲迷茫,尤其介意被網上欺凌,佢會截圖同我講好唔開心,會有情緒、會爆粗…我除咗要尊重佢感受,好好去保護佢之外,仲要同佢講解呢行係乜嘢一回事。其實阿儀腦筋靈活,各方面都清晰,佢好清楚知道自己做緊乜,我亦有同佢家人交待佢嘅事。」

 
Connie越洋送過千蚊嘅發光花束畀阿儀慶生。
Connie越洋送過千蚊嘅發光花束畀阿儀慶生。

 
網民喺討論區開Post讚Connie好吸引。
網民喺討論區開Post讚Connie好吸引。

 

關顧生活所需

阿儀被控以普通襲擊及違反「口罩令」兩罪等候上訴中,據知幾萬蚊律師費由亞視一力承擔。Connie指亞視一直對阿儀好好,問到收入方面,係咪月入只得6千至1萬元呢?林寶玉解釋,疫情下好多人都開工不足,尤其娛樂圈,不過,阿儀平均每月出過萬蚊糧:「公司Keep住關心佢嘅生活,有需要會幫佢搵生活上嘅贊助,好似之前佢媽媽走咗,亞視有提供現金支援,送上慰問,幫佢解決問題;佢要求學英文,最近又話想學我影吓啲model相,佢咁有興趣,我都會幫佢安排吓。」

 
Connie可塑性好高,甜又得Cool亦可以。
Connie可塑性好高,甜又得Cool亦可以。

 
曾同許廷鏗哥哥許永鏗(Wilson)拍拖,所以同Alfred都好老友。
曾同許廷鏗哥哥許永鏗(Wilson)拍拖,所以同Alfred都好老友。

 

更多新冠疫情資訊,請到以下專頁瀏覽(按此


立即下載 | 全新《星島頭條》APP : https://bit.ly/3yLrgYZ

其他文章
hd