首頁 即時娛樂

余德丞亮相ViuTV 接受唔到女朋友性感寧揀圈外人

17/05/2022 12:15:00


現年32歲的余德丞(Dickson)早前約滿離開TVB,回復自由身後搞作多多,除開設自家YouTube頻道外,又與鄭裕玲等拍檔做商台《口水多過浪花》的客席主持,早前更首度亮相Now Sports講波,日前更直踩ViuTV平台,接受《Viu1人物專訪》訪問,大玩「中佬二揀一」問答遊戲。

 

余德丞接受《Viu1人物專訪》訪問。
余德丞接受《Viu1人物專訪》訪問。

 
玩「中佬二揀一」,媽咪同女朋友,Dickson極速揀咗媽咪。
玩「中佬二揀一」,媽咪同女朋友,Dickson極速揀咗媽咪。

 

Dickson抽中「媽咪 vs 女朋友」,他二話不說便揀媽咪,直言跟媽咪關係好密切,「由細到大不論係湊我去課外活動好,幫我溫書好,教我補習做功課好,甚至乎出到嚟而家做嘢都係同媽咪有商有量,所以一定係揀媽咪。」Dickson透露早幾年媽媽淋巴附近有一個良性瘤,入醫院做割除手術時,可謂度日如年,「嗰時都非常之擔心,望住佢入去做手術,等佢出嚟嘅時間係好漫長,可能只係過咗兩個鐘,但好似過咗兩日一樣。」不過,Dickson表示自己屬內斂型,所以從來都不會跟媽媽講「我愛你」,母親節也不會有什麼表示,認為不應用金錢衡量,真正關心家人更加重要。

 
Dickson同媽咪感情好好。
Dickson同媽咪感情好好。

 
每樣事情都會同媽咪有商有量。
每樣事情都會同媽咪有商有量。

 
Dickson媽咪年前發現淋巴附近有一個良性瘤,令囝囝勁擔心。
Dickson媽咪年前發現淋巴附近有一個良性瘤,令囝囝勁擔心。

 
Dickson覺得真正關心好重要,唔應該用金錢衡量。
Dickson覺得真正關心好重要,唔應該用金錢衡量。

 

提到感情事,曾與TVB視后蔡思貝傳緋聞的Dickson,強調想揀與圈外人拍拖,自認個性保守和傳統的他,覺得娛樂圈較為複雜,「我都唔希望我個女朋友會着得比較性感,或者佢要着到性感去影相、出席舞會啊……接受唔到,接受唔到!所以我會揀個圈外人,正常打扮就可以,但係如果成日Po啲相出嚟比較性感啲嘅,咁我就會唔高興,所以我揀圈外人,當然希望佢係賢良淑德,又了解我。」
 
Dickson曾與蔡思貝傳緋聞。
Dickson曾與蔡思貝傳緋聞。

 
曾在活動上跪地獻花。
曾在活動上跪地獻花。

 
不過,Dickson話接受唔到女朋友性感打扮,所以會揀圈外人,明顯對圈中人落閘。
不過,Dickson話接受唔到女朋友性感打扮,所以會揀圈外人,明顯對圈中人落閘。

 
Dickson亦有入圍「全球百大型男」選舉。
Dickson亦有入圍「全球百大型男」選舉。

 

更多新冠疫情資訊,請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ

其他文章
hd