首頁 即時娛樂

軒仔獲馮允謙送紙製門票百無禁忌 謝霆鋒百忙抽空睇騷支持好友

18/05/2022 17:30:00


張敬軒補場紅館騷昨晚(17日)進入第6場,除了謝霆鋒現身睇騷之外,馮允謙(Jay)則上台擔任嘉賓。由於Jay是「鬼仔」不懂中文,因此兩人合唱《他的故事》時,提詞機打出一串由他自行拼音的英文歌詞,夾雜廣東話及英文拼音,只有Jay自己才看得懂,十分搞笑,軒仔鬼馬問道:「點解今晚提詞機會出一串越南文?我望埋去唔知係乜?」然後更叫Jay讀出來給觀眾聽,引全場爆笑。

 

軒仔大讚Jay(右)的聲線。
軒仔大讚Jay(右)的聲線。

 
Jay搞笑送上自製的演唱會門票給軒仔。
Jay搞笑送上自製的演唱會門票給軒仔。

 

軒仔讚Jay一直給他謙厚、謙卑、笑容陽光的感覺,對方的聲線在樂壇中更是自己最喜愛,還透露以前曾需要人出手幫忙監製、錄音時,Jay都二話不說趕到協助,兩肋插刀,是難得的好朋友。Jay亦非常有心地自製自己即將在7月舉行的演唱會門票送給軒仔,只因真的門票尚未印好,軒仔聞言取笑說:「依家啲後輩,點解咁鍾意整啲紙製品畀長輩!仲要係7月!算啦,佢係鬼仔,佢唔識呢啲嘢,好多謝你,你演唱會我一定會嚟!」軒仔開騷一星期,場場當尾場演出,昨晚又再破紀錄,一共「安歌」了5次。此外,由於防疫措施於明晚(19日)開始進一步放寬,大會再次努力向紅館爭取,最終明天再一次可以把限量最後8場門票公開發售,歌迷可以把握最後機會!

 
軒仔笑謂自己經常收到紙製品。
軒仔笑謂自己經常收到紙製品。

 
霆鋒(左二)昨晚在台下睇軒仔演唱會。
霆鋒(左二)昨晚在台下睇軒仔演唱會。

 
霆鋒近日跟張學友忙拍新電影《海關戰線》。
霆鋒近日跟張學友忙拍新電影《海關戰線》。

 

更多最新疫情資訊,請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ

 

其他文章
hd