首頁 即時娛樂

張震嶽險遇山泥傾瀉 逃過一劫返歸飲啤慶祝

18/05/2022 22:00:00


因為疫情,48歲的張震嶽近年多咗好多時間行山同露營,仲會帶埋就快4歲的囝囝小谷沐一齊去,呢對山系父子去過好多地方。噚日,張震嶽要去烏來福山部落拍廣告,夜晚九點收工,揸車經過隧道後發現眼前山路有一堆石阻住,有大有細,大石真係好大,揸車經過俾佢撞一撞真係唔敢想像。

張震嶽好鍾意行山。
張震嶽好鍾意行山。
亦會帶囝囝一齊行山。
亦會帶囝囝一齊行山。
直擊山泥傾瀉現場。
直擊山泥傾瀉現場。
仲有埋地圖位置。
仲有埋地圖位置。

相信有人通報,九點半已經有鏟泥車到達,話咁快就清咗條路,張震嶽話,「我沒有習慣直播,但昨晚的狀況感覺要現場報導。」安全返歸嘅佢即開罐冰凍啤酒,配上金剛做嘅雞翼慶祝下,飲飽食醉瞓落床已經係凌晨2點幾。網友得知張震嶽逃過一劫都留言,「平安就好。」
前後有兩架鏟泥車到達現場。
前後有兩架鏟泥車到達現場。
多謝拯救人員嘅張震嶽,返歸即隊返罐冰凍啤酒。
多謝拯救人員嘅張震嶽,返歸即隊返罐冰凍啤酒。
飲啤仲有食金剛牌雞翼,原來佢哋咁老友,唔知有無安慰失戀嘅金剛呢?
飲啤仲有食金剛牌雞翼,原來佢哋咁老友,唔知有無安慰失戀嘅金剛呢?

更多最新疫情資訊,請到以下專頁瀏覽 按此  

立即下載 | 全新《星島頭條》APP : https://bit.ly/3yLrgYZ

其他文章
hd