首頁 即時娛樂

黃劍文拍片分享一日擦六餐 食極唔肥怕被人話囂張

19/05/2022 03:30:00


黃劍文日前拍攝尋覓香港美食為主題的網片,為餐飲業復甦打氣,其間要品嚐新鮮南美海膽,少食魚生的他面露難色說:「因為我以前好少食海膽,慢慢配埋壽司飯都可以接受到,今次要我一大嚿咁食入口,啲味濃到『漿』住個口講唔到嘢,經歷今次之後接受程度係高咗。」

 

黃劍文(右)表示有時為攞靈感寫歌,會靠暴飲暴食。
黃劍文(右)表示有時為攞靈感寫歌,會靠暴飲暴食。

 

因拍攝要到訪多間餐廳,黃劍文食足六餐,更為工作人員加餸,他說:「得罪講句呢,其實我係食極都唔肥,反而呢刻係想增磅,所以拍飲食節目真係難唔到我,不過我唔敢同人講,因為咁囂張怕比人打。嚟緊月底我都會出新歌《人間飄浮》,有時會靠暴飲暴食攞靈感,如果成績好而疫情又OK的話,我就請粉絲食餐勁嘅!」此外,節目中有介紹紅酒的部分,黃劍文自言易醉,因此不敢開懷暢飲,但卻即場被KOL拍檔踢爆講大話,指他由朝早飲到天黑,仍然口齒伶俐。

 
黃劍文(右)自稱易醉,不過卻被拍檔踢爆講大話。
黃劍文(右)自稱易醉,不過卻被拍檔踢爆講大話。

 

更多新冠疫情資訊,請到以下專頁瀏覽(按此)

立即下載|全新《星島頭條》APP:https://bit.ly/3yLrgYZ

其他文章
hd