首頁 即時娛樂

頭條獨家丨羅曼菲獲火火教冧仔秘技 《瘋火》主持閒時愛分享性經驗

19/05/2022 07:00:00


27歲「巨乳鄧紫棋」羅曼菲(Mangie),前年憑ViuTV《鬼同你上位》奪冠彈出,舊年再靠《賭命夫妻》色誘人夫上位,最近再拍住火火同七師傅(七仙羽)主持《瘋火與膠七》。雖然疫情下拍節目有難度,但一班主持合作極之愉快,閒時無聊吹水乜都傾,連性經驗都拎出嚟分享。節目中負責性感擔當的Mangie大爆火火對佢特別照顧,更主動教佢點冧仔,「佢教我要chur盡啲。」

「巨乳鄧紫棋」Mangie,生日:1994年10月15日,三圍:32E 25 35 身高:168cm,體重:48 kg。
「巨乳鄧紫棋」Mangie,生日:1994年10月15日,三圍:32E 25 35 身高:168cm,體重:48 kg。

Mangie同火火第三次合作,所以對方都會不時提點她,亦會教佢演戲技巧,「可能我同佢都合作過幾次,佢都幾照顧我,哈哈!我對住鏡頭有啲怕醜,佢就提我『你反應大少少,畀多啲反應』。」
前年Mangie憑《鬼同妳上位》彈出,仲奪得比賽冠軍。
前年Mangie憑《鬼同妳上位》彈出,仲奪得比賽冠軍。

 
去年 Mangie(右二)同火火,已經合作過《賭命夫妻》。
去年 Mangie(右二)同火火,已經合作過《賭命夫妻》。

 

討論Sica係咪處女

除了幕前教路,火火就連Mangie的感情生活亦一樣關心,「出唔出得街㗎!?佢問我之前同另一半幾耐曳曳一次,我就話畀佢聽咁多咁多㗎咋,佢就話『咁樣唔得喎!你咁嘅身材可以chur盡啲,唔好嘥咗你個身材嘛!」火火咁講似乎係益咗Mangie男友,她都認同表示:「可能佢係男仔角度,如果運動得多,身材就會好,咁樣keep住個關係會好啲啩,身材好啲,咪可以照顧我耐啲囉!」
Mangie跟火火連續3個節目合作,兩人已發展到無所不談。
Mangie跟火火連續3個節目合作,兩人已發展到無所不談。

 
Mangie同七師傅經常傾心事,連閨房秘密都會分享。
Mangie同七師傅經常傾心事,連閨房秘密都會分享。

Mangie連私密事都同火火分享,睇嚟兩人情非泛泛,她就解釋不單止跟火火,跟七師傅都會傾,「我有問佢同husband啲嘢,我哋已經好閨密。」原來Mangie閒時會跟眾主持分享性經驗,「拍攝嘅過程其實真係好愉快,大家都有傾我同Sica(何洛瑤)係咪處(女)呀,又會傾吓我哋曾經有幾多個性伴侶呀,七師傅自己都有分享,我哋一離開鏡頭,就好深入了解大家,全部人一齊傾。」問到邊個最多性經驗?她就搞笑話:「梗係火火最有經驗,佢已經係『人爸』,年齡方面亦都最有資格。」

 
 估唔到《瘋》一班主持,節目前後都一樣咁融洽。
估唔到《瘋》一班主持,節目前後都一樣咁融洽。

 
Mangie跟《瘋》一班主持,出席節目記者會。
Mangie跟《瘋》一班主持,出席節目記者會。

預告出手色誘處男

曾在《鬼》節目中被七師傅話叫聲好「淫」的 Mangie,樣貌同身材都出眾,以為她拍拖經驗好豐富,她就澄清:「火火直情估我同幾十個男人有關係𠻹!結果我係5隻手指數得晒。」目前單身的Mangie 坦承疫情耽誤埋愛情,冇機會出外識男仔,所以dry足兩年,她都有請教七師傅,「佢話我會搵到個好男人,因為啲男人都鍾意淫邪,哈哈!」至於對男友要求,Mangie唔使靚仔同有錢,「想搵個肥肥哋,林雪咁樣,最好唔好靚仔,肥肥哋攬落去好攬啲囉!仲要幽默,同埋唔好咁蠢。(個腦似火火,外形似林雪?)係啦!同埋要細心,有冇錢都冇所謂。」
《瘋火》中,Mangie着得好密實,連女僕裝都唔例外。
《瘋火》中,Mangie着得好密實,連女僕裝都唔例外。

 

《瘋火》播出後,收視未如理想,兼有不少負評,有網民認為製作組浪費了Mangie,她就代為解畫,叫觀眾畀多啲耐性,更預告下周她會色誘處男,「係一個年紀比較大嘅處男,我要盡量令到佢有初戀感覺,因為佢連拖都未拍過,嗰集我唔算好性感,但我會嗲佢同埋摸佢囉!」她仲會着低胸連身裙扮七師傅,為演七師傅老公的火火按摩,「因為七師傅平日好忙,我就代替佢照顧老公,我幻想自己係七師傅,幫老公按摩,真係好似骨妹上身。」
走性感路線的Mangie,社交平台全是性感相。
走性感路線的Mangie,社交平台全是性感相。

 
 Mangie(右二)在ERROR《我們不Chok》MV,深長事業線成焦點。
Mangie(右二)在ERROR《我們不Chok》MV,深長事業線成焦點。

 

更多新冠疫情資訊,請到以下專頁瀏覽

按此 https://bit.ly/3JqiBzz

立即下載 | 全新《星島頭條》APP https://bit.ly/3yLrgYZ

 

 

其他文章
hd