首頁 即時娛樂

頭條獨家丨黑妹姐搵肥媽搞網上音樂會互爆情史 三年冇收入快「乾塘」

18/05/2022 23:30:00


黑妹(李麗霞)和Maria Cordero(肥媽)將於明晚(19日) 舉行付費的《媽妹笑住唱網上音樂會》,此Online Show由黑妹姐即興發起:「𠵱家個個都處於低潮唔開心,所以搵啲嘢出嚟畀大家開心吓。」黑妹姐自爆疫情呢3年都零收入,形容食老本食到快「乾塘」,但點都好,患過重病的她,體會到要好好活在當下。採訪:方騫平

61歲的黑妹姐學會享受人生。
61歲的黑妹姐學會享受人生。
黑妹姐及肥媽拍片教長輩觀眾如何網上付費。
黑妹姐及肥媽拍片教長輩觀眾如何網上付費。

黑妹姐大讚今次網上音樂會好抵睇,除咗場地唔同,但其他模式同一般演唱會冇乜大分別,rundown有歌舞及棟篤笑外,兩人亦會換晚裝演出,仲請咗羅敏莊及Joe Junior任表演嘉賓,因為屬線上音樂會,全世界都睇到,就算海外歌迷都可以安坐家中睇show。對於肥媽話會爆佢情史,黑妹姐大笑說:「我唔怕啦,佢爆我,我咪爆返佢囉!」問到係咪肥媽𠵱家有人追?黑妹姐鬼馬地笑住賣關子:「唔話畀你聽,等你心思思。」
《媽妹笑住唱網上音樂會》票價198元。
《媽妹笑住唱網上音樂會》票價198元。
網上音樂會請來羅敏莊及Joe Junior任嘉賓。
網上音樂會請來羅敏莊及Joe Junior任嘉賓。
兩年前肥媽及黑妹姐做過網上Show,為疫情下的港人打氣。
兩年前肥媽及黑妹姐做過網上Show,為疫情下的港人打氣。

健康不錯已做返運動

原先肥媽3月喺紅館舉行《肥媽面對面演唱會》,因疫情延期到明年1月,直至兩星期前黑妹姐冇嘢做想搵啲嘢嚟做,忽發奇想提出搞直播show:「我足足有3年收入係零,有支出冇收入喎!哈!好快會見底,不過我又冇乜擔心過,等疫情好返咪再戰江湖囉,冇乜所謂啦,最重要係身體健康。」黑妹曾因頸椎、肺癌及腦部腫瘤而先後進行咗3次大手術,她明白到做人最緊要開心,亦想向歡眾發放歡笑。問到健康狀況時,黑妹姐透露已做返運動,目前健康正進步中,她為自己打氣說:「我會加油!」
肥媽及黑妹姐曾喺伊館開Show。
肥媽及黑妹姐曾喺伊館開Show。
黑妹姐患病時,契細佬喬寶寶到醫院送上關心。
黑妹姐患病時,契細佬喬寶寶到醫院送上關心。
港姐謝嘉怡陪黑妹姐跑步。
港姐謝嘉怡陪黑妹姐跑步。

更多新冠疫情資訊,請到以下專頁瀏覽
(按此)  
立即下載 | 全新《星島頭條》APP : https://bit.ly/3yLrgYZ 

其他文章
hd