首頁 即時娛樂

乘風破浪丨阿嬌Fans嫌海報影得唔靚 郭采潔被指P到面目全非

19/05/2022 19:30:00


內地競賽真人騷《乘風破浪》(前名:乘風破浪的姐姐)近日公佈第三季參賽女星的名單,同時分享了幾輯海報,其中官方早前跟內地一本時裝雜誌合作,為參賽女星影的海報,網民都讚影得靚,個個都好有仙氣。不過日前官方再上載由節目組影的海報,有網民質疑部份女星的照片P得太勁、有啲Pose奇怪,有啲直情唔睇名都唔知邊個。

 

其中鍾欣潼(阿嬌)近日為節目減肥成功,被網民大讚V面回歸靚返晒,點知官方海報就影到她鼻大又露孔,面型亦似乎P得唔好,有少少怪,Fans都紛紛留言投訴:「還我美女嬌!」但好彩另一張官方宣傳相影得靚好多。至於她的好姊妹蔡卓妍(阿Sa)個樣就冇乜問題,不過個Pose就被批有啲老土,笑容亦都好僵硬,有網民問阿Sa係咪畀攝影師玩,叫佢擺個咁嘅Pose。

 

阿嬌Fans嫌官方海報(右圖)影得唔靚。
阿嬌Fans嫌官方海報(右圖)影得唔靚。

 
阿嬌呢張靚好多。
阿嬌呢張靚好多。

 
阿Sa張海報(右圖)笑容似乎有啲僵硬,網民覺得個Pose有啲娘。
阿Sa張海報(右圖)笑容似乎有啲僵硬,網民覺得個Pose有啲娘。

 

另外台灣歌手郭采潔就疑似因為被官方過份P圖,雖未至於變網紅樣,但都唔太認到係邊個。網紅樣擔當就落喺薛凱琪(Fiona)身上,原來她除了自己拍片拍照P圖搞到被嘲變網紅樣,連影官方海報都被P到網紅樣咁,Fans都話鍾意Fiona清純樣多啲。除此之外,那英張海報都引起網民討論,有人話唔睇名仲以為係劉嘉玲去參賽呀!

 
大家認唔認得出右圖係郭采潔?
大家認唔認得出右圖係郭采潔?

 
其實近年郭采潔啲濃妝照都令Fans難以適應。
其實近年郭采潔啲濃妝照都令Fans難以適應。

 
啲造型不時都被批炒車。
啲造型不時都被批炒車。

 
簡簡單單Fans反而大讚。
簡簡單單Fans反而大讚。

 
對比返薛凱琪以前個清純樣(左圖),張海報(右圖)似乎真係P得幾勁。
對比返薛凱琪以前個清純樣(左圖),張海報(右圖)似乎真係P得幾勁。

 
薛凱琪近來最出名P圖應該係呢張。
薛凱琪近來最出名P圖應該係呢張。

 
P得輕手啲咪幾好……
P得輕手啲咪幾好……

 
有網民認錯那英係劉嘉玲,大家覺得似唔似?
有網民認錯那英係劉嘉玲,大家覺得似唔似?

 
台灣女星阿雅都影到唔似真人。
台灣女星阿雅都影到唔似真人。

 
杏兒呢張應該係少數正常嘅海報。
杏兒呢張應該係少數正常嘅海報。

 

更多最新疫情資訊,請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ

 

其他文章
hd