首頁 即時娛樂

頭條獨家丨湯洛雯兩年內結婚唔要世紀婚禮 狂讚馬明有責任感又穩重

20/05/2022 07:00:00


湯洛雯(靚湯)連續有3套劇播出,雖然《雙生陌生人》反應未如理想要濃縮集數,但佢睇得好開,坦言「百貨應百客」。對於工作,靚湯表現佛系,但講到同馬國明(馬明)的感情,靚湯覺得外間嘅過度關注令佢好有壓力,外間愈八卦佢就愈想低調,同時又大讚48歲的馬明成熟穩重表現令她很安心,更強調跟馬明已認定對方,亦有討論過結婚,只係疫情打亂了計劃。

採訪:杜杜 攝影:沈健程

馬明2月生日,靚湯都在公開送上祝福。
馬明2月生日,靚湯都在公開送上祝福。

 
靚湯提到馬明笑得咁開心,就知兩人感情有幾好。
靚湯提到馬明笑得咁開心,就知兩人感情有幾好。

 

靚湯在《雙生》首度跟馬神(馬德鐘)合作,她初時都被對方比較cool的形象嚇到,但合作後即改觀,「初頭同佢合作有啲驚,今次識落發覺佢好鍾意搞gag。」講到馬神氣場勁,靚湯自誇應付有一手,「就算氣場勁嗰啲,都會畀我搞散咗個氣場,哈哈!」
靚湯在《雙生》演馬神初戀,還要以女神姿態現身。
靚湯在《雙生》演馬神初戀,還要以女神姿態現身。

 

湯爸爸教路變佛系

對於《雙生》要由25集濃縮變20集,靚湯自認佛系好睇得開,「莫講濃縮集數,就算收視未如理想都唔係好介意,我哋盡心盡力去拍,出到嚟有時真係百貨應百客,唔係個個人鍾意,但都有人會欣賞,見到有留言話『點解cut5集,我想睇呀』,所以有時唔能夠用一樣事去衡量。」
靚湯跟爸爸感情要好,雖然反對囡囡入行,但亦有提點她。
靚湯跟爸爸感情要好,雖然反對囡囡入行,但亦有提點她。

 
2012年,靚湯參加港姐大熱倒灶,未能打入三甲。
2012年,靚湯參加港姐大熱倒灶,未能打入三甲。

 

靚湯變「佛系湯」,跟入行10年及爸爸湯鎮宗有關,「啱啱選完港姐,有啲角色好細,做妓女可能得兩、三場,有啲唔係好想做,導演同監製好正面咁同我講『好多人都係做呢啲做出嚟,因為要試你做唔做到唔同角色』,再加上爸爸成日都話『呢個世界一加一唔等於二,但係零加零就等於零,人人話你好,自己覺得有咁嘅條件、天份,唔一定事事暢旺,尤其係呢行』,我聽完覺得一定要努力,其他嘢就畀個天去決定,所以形成到咁佛系,人生流流長,樣樣嘢都咁介意,個心咪要載好多嘢,咁咪唔使瞓覺!?」

 
早前湯鎮宗和湯鎮業兩兄弟,齊齊在網上玩直播。
早前湯鎮宗和湯鎮業兩兄弟,齊齊在網上玩直播。

 
靚湯坦言家人未有催婚,所以她也不太着急。
靚湯坦言家人未有催婚,所以她也不太着急。

有傾結婚冇講出嚟

提到湯爸爸,早前跟湯鎮業兩兄弟開live時,向靚湯和馬明催婚一事,靚湯笑指爸爸只是應網民要求,私底下從沒催婚。對於外界不斷追問婚事,靚湯坦承有壓力,「每隔兩、三個禮拜或者一個月,就會問我係咪結婚,又傳買咗樓,又話結咗婚。」靚湯提到甚至有網民會留言話佢年紀唔細,仲唔生就生唔到。靚湯愈講愈疑惑,「係咪一定要閃婚先叫做正常呢?馬明性格比較穩重,佢唔會好容易做決定亦唔會衝動,係一個好有責任感嘅人,我都好欣賞佢呢樣嘢,咁樣先令我覺得佢對我係負責任,令我更安心。」
靚湯跟馬明最初拍拖,都會不時放閃,但近期愈來愈少。
靚湯跟馬明最初拍拖,都會不時放閃,但近期愈來愈少。

 
剛過35歲生日的靚湯,冇在網上分享同馬明慶祝情況,實則他們staycation度過。
剛過35歲生日的靚湯,冇在網上分享同馬明慶祝情況,實則他們staycation度過。

35歲的靚湯承認跟馬明有認真計劃過結婚,但因為疫情打亂了計劃,「我哋有討論過,但唔通我哋每一步討論都同觀眾講?」對於馬明年紀唔細,所以大家都戥佢心急,問到會否兩年內解決,靚湯坦承都希望做到,「疫情都有少少影響,之前有第5波,都係想穩定啲先,同埋我同佢都係嗰啲,不如就咁算,乜都唔好整啦!哈哈!但馬明都係想儲錢買樓,有個安樂窩先,?¥ᆴᄊ係入巿好時機,哈哈!」靚湯夢想中婚禮不需要太隆重,「唔使世紀婚禮,唔使好大壇,但可以留到做回憶,我想同每一個嚟嘅人,真係有交流過,唔係唔記得佢有冇嚟,所以細細哋就夠。」最後靚湯更作出甜爆呼籲,「總之我哋認定咗㗎嘞,結婚係遲早問題,希望大家唔好太心急。」

 
近期忙拍新劇《隱門》的靚湯,還慘受胃炎困擾。
近期忙拍新劇《隱門》的靚湯,還慘受胃炎困擾。

 

更多新冠疫情資訊,請到以下專頁瀏覽

按此 https://bit.ly/3JqiBzz

立即下載 | 全新《星島頭條》APP https://bit.ly/3yLrgYZ

 

其他文章
hd